झारखंडमधील देवघर येथे भीषण अपघात, 18 भाविकांचा मृत्यू

झारखंडमधील देवघर येथे मंगळवारी पहाटे 4.30 वाजता मोहनपूर पोलीस स्टेशन परिसरातील जामुनिया जंगलाजवळ कावडीदारांना घेऊन जाणाऱ्या बसची गॅस सिलिंडर वाहून नेणाऱ्या वाहनाशी धडक झाली. या दुर्दैवी अपघातात कावड घेऊन जाणाऱ्या 18 भाविकांचा  मृत्यू झाला आणि अनेक जण जखमी झाले.

भाजप खासदार निशिकांत दुबे म्हणाले की, माझ्या लोकसभेतील देवघर येथे श्रावण महिन्यात कावडीदारांना घेऊन जाणाऱ्या बस आणि ट्रकच्या अपघातात 18भाविकांचा मृत्यू झाला आहे. बाबा वैद्यनाथजी त्यांच्या कुटुंबियांना हे दुःख सहन करण्याची शक्ती देवो.

यापूर्वी, दुमका प्रदेशाचे पोलिस महानिरीक्षक शैलेंद्र कुमार सिन्हा यांनी सांगितले होते की, देवघरच्या मोहनपूर पोलीस स्टेशन परिसरातील जामुनिया जंगलाजवळ कावडीदारांना भरलेली 32 आसनी बस आणि गॅस सिलिंडर वाहून नेणाऱ्या ट्रकची धडक झाली. या अपघातात 5 जणांचा मृत्यू झाला. जखमींपैकी अनेकांची प्रकृती गंभीर असल्याने मृतांची संख्या वाढण्याची शक्यता आहे.

Edited By - Priya Dixit