भरधाव कारने दोघांना चिरडले, एकाचा जागीच मृत्यू, दुसरा गंभीर

राजधानी दिल्लीत पुन्हा एकदा अनियंत्रित हायस्पीड थारचा कहर पाहायला मिळाला आहे. थारने रस्त्यावरून चालणाऱ्या दोन लोकांना चिरडले. त्यापैकी एकाचा जागीच मृत्यू झाला तर दुसऱ्याची प्रकृती गंभीर असल्याचे सांगण्यात येत आहे. 

मिळालेल्या माहितीनुसार, नवी दिल्लीतील चाणक्यपुरी भागात हा अपघात झाला. थार कारने दोघांना धडक दिली. अपघातात एका व्यक्तीचा जागीच मृत्यू झाला, तर दुसऱ्याला उपचारासाठी रुग्णालयात दाखल करण्यात आले आहे. 

रस्ता ओलांडताना हा अपघात झाल्याचे सांगितले जात आहे. पोलिसांनी घटना घडवणाऱ्या चालकाला ताब्यात घेतले आहे आणि त्याची चौकशी सुरू आहे. गाडीत दारूच्या बाटल्या सापडल्या आहेत. फॉरेन्सिक टीम संपूर्ण गाडीची तपासणी करत आहे. जखमी व्यक्ती सध्या जबाब देण्याच्या स्थितीत नाही, मृत व्यक्तीची ओळख पटवण्याचा प्रयत्न पोलिस करत आहेत.

 कार चालकाचे नाव आशिष आहे आणि तो गुडगावहून शकरपूरला जात होता. कार त्याच्या मित्राची होती. फूटपाथवर त्यांने दोघांना धडक दिली. त्यापैकी एकाचा मृत्यू झाला आणि दुसरा जखमी झाला. कार चालकाला अटक करण्यात आली आहे. अधिक तपास सुरू आहे. आम्ही पीडितांची ओळख पटवण्याचा प्रयत्न करत आहोत."

Edited By - Priya Dixit