द्रौपदी मुर्मू कोण आहेत, ज्यांना भाजपने राष्ट्रपतिपदाची उमेदवारी दिलीय

द्रौपदी मुर्मू या भाजपप्रणित एनडीएच्या राष्ट्रपतिपदासाठी उमेदवार असतील. याबाबत भाजपचे राष्ट्रीय अध्यक्ष जेपी नड्डा यांनी माहिती दिली.

द्रौपदी मुर्मू या झारखंडच्या माजी राज्यपाल असून, भारतीय जनता पक्षात त्यांनी काम केलं आहे. पंतप्रधान नरेंद्र मोदी यांच्या उपस्थित सोमवारी (21 जून) भाजपच्या संसदीय मंडळाची बैठक पार पडली. या बैठकीत राष्ट्रपतिपदासाठी द्रौपदी मुर्मू यांच्या नावावर शिक्कामोर्तब करण्यात आलं.

"यूपीएच्या घटक पक्षांसोबत राजनाथ सिंह आणि मी चर्चा करून एकाच नावावर सहमतीसाठी प्रयत्न केले. मात्र, एका नावावर सहमती झाली नाही. त्यामुळे भाजपनं संसदीय मंडळाच्या बैठकीत आपला स्वतंत्र उमेदवार घोषित करण्याचा निर्णय घेतला. त्यातून द्रौपदी मुर्मू यांच्या नावावर आमची सहमती झाली," अशी माहिती जेपी नड्डांनी दिली.

"भाजपच्या पूर्वेकडील भागातून कुणी उमेदवार द्यावा आणि कुणी महिला उमेदवार असावी, असा विचार आम्ही केला. तसंच, आदिवासी समाजातील कुणी राष्ट्रपती आजवर भारतात झाले नाही, त्यामुळे आम्ही आदिवासी समाजातील व्यक्ती उमेदवार म्हणून देण्याचं ठरवलं. त्यानुसार द्रौपदी मुर्मू यांच्या नावावर एकमत झालं," असंही नड्डांनी सांगितलं.

कोण आहेत द्रौपदी मुर्मू

द्रौपर्दीमुर्मू यांचा जन्म 20 जून 1958 ला मयुरभंज जिल्ह्यातील बडीपोसी गावात झाला.

त्या संथाल नावाच्या एका आदिवासी जमातीच्या आहे.

त्यांनीशिक्षिका म्हणून त्यांच्या कारकिर्दीला सुरुवात केली. त्यानंतर त्यांनी राजकारणातउडी घेतली.

त्या 2000 आणि 2009 मध्ये भाजपच्या तिकिटावर आमदार झाल्या.

तत्पूर्वी1997 मध्ये त्या रायनगरपूर नगर पंचायत मधून 1997 त्या नगरसेवक पदावर निवडल्या गेल्या.

नंतर त्या आदिवासी जमातीच्या राष्ट्रीय उपाध्यक्ष होत्या. बिजू जनता दल आणि भाजपच्या सरकारमध्ये त्यांनी वाणिज्य आणि वाहतूक मंत्रिपदाची धुरा सांभाळली.

त्यानंतर त्या मत्स्य विभागाच्या मंत्री होत्या. 2015 मध्ये मुर्मू या झारखंडच्या पहिल्या राज्यपाल होत्या. 

त्या राष्ट्रपती झाल्या तर आदिवासी समुदायाला एक मोठं स्थान देशाच्या राजकारणाला मिळेल. तसंच ते नरेंद्र मोदींची प्रतिमेला उजाळा देण्यासाठी उपयुक्त ठरेल. 

तत्पूर्वी विरोधकांकडून यशवंत सिन्हा यांचं नाव राष्ट्रपतीपदासाठी पुढे करण्यात आलं आहे. या निवडणुकीसाठी विरोधकांकडून शरद पवार, फारुख अब्दुल्ला यांचं नाव समोर आलं होतं. मात्र दोघांनीही त्याला नकार दिला होता.