Last Modified: सुरत , बुधवार, 26 ऑगस्ट 2015 (11:03 IST)
आज गुजरात बंद
आरक्षणाच्या मुद्यावरून सुरु केलेल्या आंदोलनाबाबत हार्दिक पटेल यांना अटक आणि सुटका झाल्यानंतर आक्रमक झालेल्या पटेल समाजाने आज गुजरात बंदची हाक दिली आहे.
हार्दिक पटेल यांना काल अटक करण्यात आल्यानंतर आंदोलकांचा भडका उडाला होता व जाळपोळीचे सत्र सुरू झाले. पटेल यांची सुटका झाल्यानंतरही राज्यातील वातावरण पेटलेलेच असून या तणावाच्या पार्श्वभूमीवर अहमदाबादमध्ये १३ वर्षांनंतर नऊ भागांत संचारबंदी लागू करण्यात आली आहे.
तसेच सूरत व अहमदाबादमधील शाळा- कॉलेजेस आज बंद ठेवण्याचे आदेश शिक्षण मंत्र्यांनी दिले आहेत. दरम्यान गुजरातमधील या आंदोलनाचा रेल्वे वाहतुकीलाही मोठा फटका बसला आहे.
