संबंधित माहिती
- विधानसभा निवडणुकीपूर्वी अजित पवार गटात फूट पडण्याची शक्यता बळावली
- पुण्यात जेवण न दिल्याने संतापलेल्या ट्रकचालकाने वाहनांना दिली धडक
- पुण्यातील हडपसरात झाडाची फांदी अंगावर पडल्याने डबेवाल्याचा मृत्यू
- मणिपूरात सुरक्षेची हमी नाही, परिस्थिती कठीणच आहे, मोहन भागवतांचे वक्तव्य
- पुण्यात सेल्फी घेताना तरुणी पडली नदीत, तरुणाने तिला वाचवण्यासाठी उडी मारली दोघांचा बुडून मृत्यू
भोसरीचे आमदार महेश लांडगे यांना जीवे मारण्याची धमकी
भोसरीचे विधानसभेचे भाजपचे आमदार महेश लांडगे यांना जीवे मारण्याची धमकी दिली आहे. शनिवारी उदयकुमार राय नावाच्या माणसाने पिंपरी चिंचवड पोलीस नियंत्रण कक्षाला फोन केला आणि आमदार महेश लांडगे यांना जीवे मारण्याची सुपारी मला मिळाली असे सांगितले. त्या नंतर पोलीस यंत्रणा सतर्क झाली आणि पोलिसांनी फोन करणाऱ्या व्यक्तीचा शोध घेत त्याला अटक केली.
पोलिसांनी या प्रकरणी एमआयडीसी भोसरी पोलीस ठाण्यात गुन्ह्याची नोंद केली आहे. आरोपी उदय कुमार हा गेल्या पाच वर्षांपासून भोसरी परिसरात राहत असून तो मुळात छत्तीसगडचा आहे. त्याने हा फोन का केला याचा तपास भोसरी पोलीस करत आहे.
भाजपचे आमदार महेश लांडगे यांना जीवे मारण्याची धमकी मिळाल्याने भाजपच्या गटात खळबळ माजली आहे. या पूर्वी देखील लांडगे यांना जीवे मारण्याची धमकी देण्यात आल्याचे समजले आहे. एका अज्ञाताने त्यांच्याकडून 30 लाखाची खंडणी मागत लांडगे यांना जीवे मारण्याची धमकी दिली. महेश लांडगे यांनी जनतेच्या समस्यांचे समाधान करण्यासाठी एक हेल्पलाईन सुरु केली असून त्यावरून त्यांना धमकी दिली होती.पोलीस या प्रकरणी तपास करत आहे.
Edited By - Priya Dixit
