पालघर इमारत कोसळल्याच्या घटनेत मृतांचा आकडा वाढला; आतापर्यंत १५ जणांचा मृत्यू
महाराष्ट्रातील पालघर जिल्ह्यातील विरार येथे बुधवारी एका अनधिकृत चार मजली इमारतीचा काही भाग शेजारील रिकाम्या घरावर कोसळल्याने आई आणि मुलीसह १५ जणांचा मृत्यू झाला. ढिगाऱ्यातून नऊ मृतदेह बाहेर काढण्यात आले असून तर आठ जणांचा रुग्णालयात उपचारादरम्यान मृत्यू झाला आहे. अशी माहिती समोर आली आहे.
महाराष्ट्रातील पालघरमधील वसई येथील नारंगी रोडवरील चार मजली रमाबाई अपार्टमेंट इमारतीचा मागील भाग कोसळल्याच्या घटनेत मृतांचा आकडा वाढला आहे. चामुंडा नगर आणि विजय नगर दरम्यान असलेल्या इमारतीत झालेल्या अपघातात १५ जणांचा मृत्यू झाला आहे. एनडीआरएफच्या मते, बचाव कार्य सुरू आहे. रमाबाई अपार्टमेंटचा मागील भाग रात्री १२.०५ वाजता कोसळून ३३ तासांहून अधिक काळ लोटला असला तरी, अपघातस्थळी ढिगारा काढण्याचे काम अजूनही सुरू आहे. वसई विरार महानगरपालिकेने (VVMC) सांगितले की, मुंबईच्या बाहेरील नालासोपारा आणि परिसरातील वेगवेगळ्या रुग्णालयात अजूनही चार जण दाखल आहे. इतर तिघांना उपचारानंतर घरी सोडण्यात आले आहे.
वसई विरार महानगरपालिकेने (VVMC) तक्रार दाखल केल्यानंतर पोलिसांनी इमारतीच्या बांधकाम व्यावसायिकाला अटक केली. अधिकाऱ्यांनी आतापर्यंत बारा मृतांपैकी सात जणांची ओळख पटवली आहे ज्यात आरोही ओंकार जोविल, त्यांची एक वर्षाची मुलगी उत्कर्षा जोविल, लक्ष्मण किस्कू सिंग, दिनेश प्रकाश सपकाळ, सुप्रिया निवलकर, अर्णब निवलकरआणि पार्वती सपकाळ यांचा समावेश आहे. ढिगाऱ्याखाली अजूनही काही लोक अडकले असण्याची शक्यता आहे, असे जिल्हाधिकारी यांनी सांगितले आहे.
Edited By- Dhanashri Naik
