छत्रपती संभाजीनगर : वेरूळ लेणी परिसरात असलेल्या जोगेश्वरी धबधब्यामध्ये बुडून तरुणाचा दुर्दैवी मृत्यू

महाराष्ट्रातील छत्रपती संभाजीनगरमध्ये अपघाताची एक वेदनादायक घटना समोर आली आहे. जिल्ह्यातील वेरूळ लेणी परिसरात असलेल्या जोगेश्वरी धबधब्यामध्ये बुडून एका तरुणाचा मृत्यू झाला आहे. 

मिळालेल्या माहितीनुसार, रविवारी उशिरा संध्याकाळी हा अपघात उघडकीस आला. धबधब्यामध्ये बुडून मृत्युमुखी पडलेल्या तरुणाचे नाव हर्षदीप नाथा तांगडे असे सांगण्यात येत आहे.  हर्षदीप रविवारी त्याच्या मित्रांसह बाईकवरून वेरूळ धबधब्याच्या परिसरात गेला होता. या दरम्यान हर्षदीपचा चुलत भाऊ जोगेश्वरी धबधब्याच्या तलावात पडला. मात्र, त्याला पोहायचे येत नसल्याने तो बुडू लागला. आपल्या भावाला बुडण्यापासून वाचवण्यासाठी हर्षदीपने स्वतः पाण्यात उडी मारली आणि भावाचा जीव वाचवला. पण हर्षदीप स्वतः पाण्यातून बाहेर येऊ शकला नाही तसेच हर्षदीपच्या तोंडाला दुखापत झाल्यामुळे तो बुडाला त्यामुळेच त्याचा मृत्यू झाला. असे मानले जाते आहे.  घटनेची माहिती मिळताच पोलीस घटनास्थळी पोहोचले आणि महानगरपालिकेच्या अग्निशमन विभागाला घटनेची माहिती देण्यात आली. अग्निशमन दलाचे अधिकारी आणि जवानांनी सुमारे अर्धा तासाच्या प्रयत्नानंतर हर्षदीपचा मृतदेह पाण्यातून बाहेर काढला. अशी महिती समोर आली आहे. 

Edited By- Dhanashri Naik