LIVE: आयएएस तुकाराम मुंडे यांनी एफडीएच्या २९ कर्मचाऱ्यांना थेट इशारा दिला

मुंबई उच्च न्यायालयाने मेटा, एक्स आणि गूगल यांना केंद्रीय मंत्री नितीन गडकरी यांच्या विरोधातील बदनामीकारक आणि आक्षेपार्ह पोस्ट तात्काळ हटवण्याचे निर्देश दिले आहे. सविस्तर वाचा 

राष्ट्रीय स्वयंसेवक संघाचे (आरएसएस) प्रमुख मोहन भागवत गुरुवारी मुंबईत आय-आयएमयूएनच्या (I-IMUN) १५ व्या वार्षिक परिषदेत २,००० हून अधिक जेन-जी आणि जेन-अल्फा विद्यार्थ्यांशी संवाद साधतील. या कार्यक्रमाची संकल्पना "भारतीय पद्धतीने जगाला एकत्र आणण्यात युवकांची भूमिका" ही आहे. या परिषदेत नेतृत्व, राष्ट्रउभारणी आणि विविध विचारप्रणाली समजून घेण्यावर लक्ष केंद्रित केले जाईल. सविस्तर वाचा

महाराष्ट्रातील नागपूरमध्ये एका सरकारी अधिकाऱ्याच्या मुलीवर झालेल्या लैंगिक अत्याचाराचे प्रकरण उघडकीस आले आहे. तसेच या प्रकरणात अनेक धक्कादायक खुलासेही समोर आले आहे. सविस्तर वाचा

मुंबईत मोठी एनआरसी कारवाई, चेंबूरमधून २.०४ कोटी रुपयांचे मेफेड्रोन जप्त, दोघांना अटक

मुंबई पोलिसांच्या अंमली पदार्थ विरोधी पथकाने (एएनसी) अंमली पदार्थांच्या गैरवापराविरोधात मोठ्या कारवाईत चेंबूर परिसरात दोन व्यक्तींना अटक केली आहे. पोलिसांनी अंदाजे २.०४ कोटी रुपये किमतीचे ६८१ ग्रॅम मेफेड्रोन (एमडी) जप्त केले. ही कारवाई मुंबई पोलिसांच्या आझाद मैदान युनिटच्या एनएसी पथकाने केली. पोलिसांच्या म्हणण्यानुसार, दोन्ही आरोपी अंमली पदार्थांच्या तस्करीमध्ये कथितरित्या सामील होते. पोलीस सध्या या प्रकरणाचा अधिक तपास करत असून, जप्त केलेले हे अंमली पदार्थ कुठून आले आणि ते कोणाला पोहोचवले जाणार होते, याचा शोध घेत आहेत.

प्रख्यात न्यूरोसर्जन डॉ. चंद्रशेखर पाखमोडे यांचे हृदयविकाराच्या झटक्याने निधन

प्रख्यात न्यूरोसर्जन डॉ. चंद्रशेखर पाखमोडे यांचे वयाच्या ५० व्या वर्षी अचानक हृदयविकाराच्या झटक्याने निधन झाले. त्यांच्या निधनाच्या बातमीने वैद्यकीय जग, रुग्ण आणि हितचिंतकांमध्ये धक्का बसला आहे. सर्वात धक्कादायक बाब म्हणजे, त्यांच्या मृत्यूच्या अवघ्या तीन दिवस आधी त्यांचा ईसीजी अहवाल सामान्य असल्याचे सांगण्यात आले होते.

भाजप नगरसेवक आकाश पुरोहित न्यायालयीन कोठडीत

मुंबईतील भाजप नगरसेवक आकाश पुरोहित यांना बुधवारी न्यायालयीन कोठडी सुनावण्यात आली. २०२० च्या वीज आंदोलनाच्या प्रकरणात न्यायालयात हजर न राहिल्याने त्यांच्याविरुद्ध जारी करण्यात आलेले अजामीनपात्र वॉरंट रद्द करण्याची त्यांची याचिका सत्र न्यायालयाने फेटाळली. बेस्टच्या महाव्यवस्थापकांना ओलीस ठेवल्याचा आणि पोलिसांवर हल्ला केल्याचा आरोप पुरोहित आणि इतरांवर आहे. महाराष्ट्र विधानसभेचे अध्यक्ष राहुल नार्वेकर आणि मंत्री मंगल प्रभात लोढा यांच्यावरही आरोप आहेत. बुधवारी झालेल्या सुनावणीला पुरोहित हजर न राहिल्याने, वॉरंट रद्द करण्याची त्यांची याचिका फेटाळण्यात आली. यापूर्वीही त्यांच्याविरुद्ध वॉरंट जारी करण्यात आले होते, ज्यासाठी त्यांनी २,००० रुपयांचा दंड भरला होता, असे न्यायालयाने नमूद केले. न्यायालयाने त्यांना हेतुपुरस्सर विलंब करणारे ठरवून न्यायालयीन कोठडी सुनावली.

अणुऊर्जा आयोगाचे माजी अध्यक्ष पुणे-नाशिक रेल्वे मार्गाचा जीएमआरटीवर होणाऱ्या परिणामाचे मूल्यांकन करतील  महाराष्ट्र परिवहन विभागाने बुधवारी पुणे-नाशिक सेमी-हाय-स्पीड रेल्वे मार्गाचा जायंट मीटरवेव्ह रेडिओ टेलिस्कोप (जीएमआरटी) वर होणाऱ्या परिणामाचे मूल्यांकन करण्यासाठी एक उच्चस्तरीय तज्ज्ञ समिती स्थापन केली. अणुऊर्जा आयोगाचे माजी अध्यक्ष अनिल काकोडकर हे या समितीचे अध्यक्ष असतील. मुख्यमंत्री देवेंद्र फडणवीस यांच्या निर्देशानुसार हा निर्णय घेण्यात आला. सरकारने समितीचा अधिकृत ठराव जारी केला. रेल्वे मार्गाची मूळ आखणी पुण्यातील खोडाड येथील जीएमआरटीच्या जवळून होती. अणुऊर्जा आणि विज्ञान व तंत्रज्ञान विभागांनी इलेक्ट्रिक ट्रेनमुळे होणाऱ्या विद्युतचुंबकीय व्यत्ययाबद्दल चिंता व्यक्त केली होती. जीएमआरटी ही जगातील अग्रगण्य कमी-फ्रिक्वेन्सी रेडिओ खगोलशास्त्र वेधशाळांपैकी एक आहे. ही समिती दोन्ही प्रस्तावित मार्गांच्या विद्युतचुंबकीय, कार्यान्वयन आणि संरचनात्मक परिणामांची तपासणी करेल. ती बोगदे, उन्नत संरचना किंवा मर्यादित पुनर्रचना यांसारख्या पर्यायांचे मूल्यांकन करेल. समिती आपला अहवाल ६० दिवसांच्या आत महाराष्ट्र सरकारला सादर करेल.

नाशिकमध्ये सुरू असलेल्या भूकंपाच्या धक्क्यांचा वैज्ञानिक अभ्यास करण्यासाठी केंद्र सरकारचे एक तज्ज्ञ पथक दाखल होणार आहे. अत्याधुनिक निरीक्षण उपकरणांच्या साहाय्याने गोळा केलेला डेटा थेट दिल्लीला पाठवला जाईल. अशी माहिती समोर आली आहे. सविस्तर वाचा 

'तहलका' मासिकाचे माजी संपादक तरुण तेजपालवरील बलात्कार प्रकरणाचा निकाल जाहीर झाला आहे. मुंबई उच्च न्यायालयाच्या गोवा खंडपीठाने तरुण तेजपालला दोषी ठरवले आहे. शिक्षेच्या कालावधीबाबत दोन्ही बाजूंचा युक्तिवाद आजच ऐकला जाईल, असे न्यायालयाने स्पष्ट केले. २०१३ मधील लैंगिक अत्याचार प्रकरणात तरुण तेजपालची निर्दोष मुक्तता करण्याच्या २०२१ मधील निर्णयाविरुद्ध सरकारने दाखल केलेल्या अपिलावर न्यायमूर्ती रेवती मोहिते-डेरे आणि न्यायमूर्ती एम. एस. जावळकर यांच्या खंडपीठाने हा निकाल दिला.

नागपूरमध्ये एका १६ वर्षीय मुलीवर लैंगिक अत्याचार करणाऱ्या आरोपीमुळे पोलीस हैराण झाले आहेत. तुरुंगात असताना आरोपी उद्धट वर्तन करत असून खाण्यासाठी पिझ्झाची मागणी करत आहे. तसेच झोपण्यासाठी मऊ गादी आणि डास पळवण्याचे साधन (मस्किटो रिपेलेंट) देण्याची मागणीही त्याने केली आहे. पोलीस अधिकाऱ्यांच्या मते, कैद्यांच्या वाजवी मागण्या मान्य केल्या जातात, परंतु अशा प्रकारच्या अवास्तव मागण्या कोणासाठीही पूर्ण केल्या जाऊ शकत नाहीत. 

सीजेपी कार्यकर्त्यांचे आंदोलन: पक्षाच्या कोअर कमिटीमध्ये पक्षपाताचा आरोप करत आणि पारदर्शक व्यवस्थेच्या मागणीसाठी अन्नपाण्यावर बहिष्कार टाकत कार्यकर्त्यांनी सीजेपीचे संस्थापक अभिजीत दीपके यांच्या घराबाहेर आंदोलन केले.

मुंबई उच्च न्यायालयाने 'तेहलका' मासिकाचे माजी संपादक तरुण तेजपाल यांना भारतीय दंड संहितेच्या (IPC) कलम ३७६(२)(फ), ३७६(२)(क), ३५४अ आणि ३५४ब अंतर्गत बलात्कार प्रकरणात दोषी ठरवले आहे. न्यायालयाने त्यांना १० वर्षांच्या तुरुंगवासाची शिक्षा सुनावली आहे. ते या निर्णयाला सर्वोच्च न्यायालयात आव्हान देणार आहे. सविस्तर वाचा 

मुंबई उच्च न्यायालयाने संपकरी डॉक्टरांना कडक शब्दांत फटकारले असून, त्यांना तात्काळ कामावर परतण्याचे आदेश दिले आहे. न्यायालयाने म्हटले आहे, "जर तुम्हाला काम करायचे नसेल, तर पगारही घेऊ नका." सविस्तर वाचा 

रेल्वे कायदा १९८९ मध्ये केलेल्या सुधारणांनुसार, ट्रेन आणि रेल्वे परिसरात धूम्रपान केल्याबद्दलचा कमाल दंड ₹१०० वरून ₹२,००० पर्यंत वाढवण्यात आला आहे. तिकीट जप्त करण्याची तरतूदही करण्यात आली आहे. सविस्तर वाचा

आयएएस तुकाराम मुंडे यांनी एफडीएच्या २९ कर्मचाऱ्यांना थेट इशारा दिला आहे. दोन शिफ्टमध्ये आणि सुट्ट्यांमध्ये काम करण्याच्या विरोधात आंदोलन करणाऱ्या कर्मचाऱ्यांविरुद्ध मुंडे यांनी कठोर भूमिका घेतली आहे. सविस्तर वाचा