Coronavirus :या' 3 कारणांमुळे वाढतोय कोरोना, IMA ने सांगितले

Corona is increasing due to these 3 reasons IMA said Coronavirus Update

भारतात पुन्हा एकदा कोरोना विषाणूचा प्रादुर्भाव वाढत आहे. दररोज धक्कादायक प्रकरणे समोर येत आहेत. हा विषाणू हळूहळू पाय पसरत आहे. देशातील काही राज्यांमध्ये विषाणूचे वाढते प्रमाण हा चिंतेचा विषय आहे. गेल्या 24 तासांत कोरोना विषाणूच्या 5,880 नवीन रुग्णांची नोंद झाली असून यासह देशातील सक्रिय रुग्णांची संख्या 35,199 वर पोहोचली आहे.

देशभरात कोविड संसर्गाच्या वाढत्या संख्येवर इंडियन मेडिकल असोसिएशनचे विधान समोर आले आहे. IMA ने म्हटले आहे की, "आपल्या देशात कोरोना विषाणूच्या संसर्गाची अलीकडील वाढलेली प्रकरणे हे COVID-19 बद्दल अविचारी वृत्ती, कमी चाचणी दर आणि कोविडचे नवीन प्रकार उदयास येण्यामागे एक प्रमुख कारण असू शकते." इंडियन मेडिकल असोसिएशनने लोकांना खबरदारी घेण्यास सांगितले आहे.

देशव्यापी मॉक ड्रिलची घोषणा

आरोग्य मंत्रालयाने देशभरातील रुग्णालयांमधील तयारीचा आढावा घेण्यासाठी सोमवार आणि मंगळवारी देशव्यापी मॉक ड्रिलची घोषणा केली आहे . या प्रक्रियेत सरकारी आणि खाजगी दोन्ही आरोग्य केंद्रे सहभागी होण्याची शक्यता आहे. त्याचवेळी, सोमवारी केंद्रीय आरोग्य मंत्री मनसुख मांडविया मॉक ड्रिलच्या पहिल्या दिवशी दिल्लीतील राम मनोहर लोहिया रुग्णालयात पोहोचले. आरोग्यमंत्र्यांनी मॉक ड्रील दरम्यान रुग्णालयाच्या तयारीची पाहणी केली.

आरोग्य मंत्रालयाच्या ताज्या आकडेवारीनुसार, 14 लोकांच्या मृत्यूमुळे कोरोना महामारीमुळे मृतांची संख्या 5,30,979 झाली आहे. दिल्ली आणि हिमाचल प्रदेशमध्ये प्रत्येकी चार, केरळमध्ये दोन, तर गुजरात, जम्मू-काश्मीर, महाराष्ट्र आणि राजस्थानमध्ये प्रत्येकी एक मृत्यू झाला आहे.

Edited By - Priya Dixit