नक्षलवाद्यांकडून बेछूट गोळीबार; दोन जवान शहीद

झारखंडमधील श्रीकेदल येथे नक्षलवाद्यांशी पोलिसांची चकमक, २ जवान शहीद, १ जखमी झाल्याची माहिती समोर आली आहे. 

मिळालेल्या माहितीनुसार झारखंडमधील मानातू पोलिस स्टेशन परिसरात पोलिस आणि नक्षलवाद्यांमध्ये चकमक झाली आहे. या चकमकीत २ जवान शहीद झाले आहे आणि एक जखमी झाल्याचे वृत्त आहे. सध्या जखमी सैनिकावर उपचार सुरू आहे. तसेच या कारवाईत पोलिसांनी श्रीकेदल जंगलात नक्षलवाद्यांना घेराव घातला, त्यानंतर चकमक सुरू झाली. जखमी सैनिकावर रुग्णालयात उपचार सुरू असून परिसरात शोध मोहीम सुरू आहे.

नक्षलवाद्यांशी झालेल्या या चकमकीत पलामूच्या मानातू येथे कर्तव्य बजावताना सुनील राम जी आणि संतन मेहता हे जवान शहीद झाले. त्याच वेळी, जखमी सैनिकावर रुग्णालयात उपचार सुरू आहे. वृत्तानुसार, पोलिसांनी गुप्त माहितीच्या आधारे श्रीकेदल जंगलात शोध मोहीम सुरू केली होती, ज्यामध्ये ही चकमक घडली. 

पोलिसांच्या म्हणण्यानुसार, या चकमकीत २ पोलिस कर्मचारी शहीद झाले आणि नक्षलवाद्यांचेही मोठे नुकसान झाले. अनेक नक्षलवादी मारले गेल्याचे वृत्त आहे. अद्याप मृतदेह सापडले नसले तरी, पोलिसांची शोध मोहीम सुरूच आहे.  

Edited By- Dhanashri Naik