संबंधित माहिती
- राज्यातील चालकांना विशेष प्रशिक्षण देण्यासाठी नाशिकमध्ये केंद्र उभारणार -खासदार हेमंत गोडसे
- संघाच्या ९२ वर्षांच्या इतिहासात पहिल्यांदाच महिलेला मेळाव्याला प्रमुख पाहुणे आमंत्रण
- त्र्यंबकेश्वर मंदिरातील ऐतिहासिक शिवलिंगाची झीज, वज्रलेप करण्याबाबत विचार सुरू
- वेदांता-फॉक्सकॉन : गुजरातनं खरंच महाराष्ट्राचे प्रकल्प पळवले का?
- छत्रपती शिवाजी महाराजांच्या पुतळ्यावरून गदारोळ, मुख्यमंत्री शिंदेंच्या अनावरणानंतर राष्ट्रवादीने केले 'शुद्धीकरण'
दसरा मेळावा शिवतीर्थावरच होणार,उद्धव ठाकरे यांचा निर्धार
शिवसेना भवनमध्ये झालेल्या पदाधिकाऱ्यांच्या बैठकीत शिवसेना पक्षप्रमुख उद्धव ठाकरे यांनी दसरा मेळाव्या संदर्भात महत्त्वाचं भाष्य केलं आहे. दसरा मेळावा शिवतीर्थावरच होणार, असा निर्धार शिवसेना पक्षप्रमुख उद्धव ठाकरे यांनी व्यक्त केला आहे. यासाठी तातडीने कामाला लागा, अशा सूचना उद्धव ठाकरे यांनी विभाग प्रमुखांना बैठकीत दिल्या आहेत.
शिवतीर्थावर दसरा मेळावा शिवसेनेचाच होणार आहे. यामुळे मनात कोणताही संभ्रम ठेवू नका. महिला आघाडी, युवा सेना आणि शिवसैनिकांनासोबत घ्या. मुंबई महापालिकेमध्ये रिमाइंडर अर्जही देण्यात आला आहे, असं उद्धव ठाकरे म्हणाले.
गुजरात महाराष्ट्राचा लहान भाऊ आहे. त्यांच्याकडे प्रकल्प गेला, पण राज्य सरकार त्यावेळी काय करत होतं? दोन महिन्यात फॉक्सकॉन प्रकल्प गुजरातला गेलाच कसा? यांसारख्या कंपन्या राज्याबाहेर गेल्यामुळे राज्याचे मोठे नुकसान झाले आहे. सत्ताधाऱ्यांनी याचं आत्मपरीक्षण करावं, असं उद्धव ठाकरे म्हणाले.
