देवराईला भीषण आग, 5 ते 6 हजार झाडांचं मोठं नुकसान

सिनेअभिनेते सयाजी शिंदे यांच्या संकल्पनेतून उभारण्यात आलेल्या बीडमधील पालवन इथल्या सहयाद्री देवराईच्या डोंगराला पहाटे आग लागली. ही नेमकी आग कशामुळे लागली याची माहिती मिळू शकलेली नाही. पालवनमध्ये तब्बल शंभर एकर डोंगरावर सयाजी शिंदे आणि सामाजिक वनीकरण विभागाने चार वर्षांपूर्वी सह्याद्री देवराईची उभारणी केली होती. 2 वर्षांपूर्वी याठिकाणी वृक्ष संमेलनही भरवण्यात आलं होतं.