राज्यात पुढील तीन दिवस मुसळधार पाऊस, या भागात यलो अलर्ट
राज्यातील विविध भागात मुसळधार सरी कोसळत आहे. मान्सून परतीच्या प्रवासावर आहे. मुंबई, आणि नवी मुंबई सह उपनगरात मुसळधार पाऊसने हजेरी लावली.अचानक झालेल्या पावसामुळे नागरिकांचा गोंधळ उडाला. हवामान खात्यानं येत्या दोन ते तीन दिवसात पूर्व मराठवाडा आणि उत्तर मध्य महाराष्ट्र वगळता राज्यात विजांचा कडकडाटासह हलक्या ते मध्यम पावसाची शक्यता वर्तवण्यात आली आहे. तसेच कोकणातील पालघर, ठाणे, रायगड, मुंबई, सिंधुदुर्ग आणि रत्नागिरी या भागात यलो अलर्ट जाहीर केला आहे. तर मध्य महाराष्ट्रातील नगर, सोलापूर, नाशिक, पुणे, सातारा,सांगली, आणि कोल्हापुरात मुसळधार पावसाची शक्यता हवामान खात्यानं वर्तवली आहे.एन दिवाळीच्या सणासुदीच्या काळात पावसाची उघडीप मिळण्याची शक्यता हवामान खात्यानं वर्तवली आहे. रविवारी आणि सोमवारी मुंबईसाठी यलो अलर्ट जाहीर केले आहे.
मराठवाड्यातील जालना, औरंगाबाद, लातूर, बीड, उस्मानाबाद, भागात जोरदार पावसाची शक्यता आहे. तर राज्यातील विदर्भात बुलडाणा, वाशीम, यवतमाळ, अकोला, वर्धा, अमरावती, भंडारा, वर्धा, गडचिरोली, गोंदिया, चंद्रपूर या भागात पावसाचा जोर वाढण्याची शक्यता वर्तवण्यात आली आहे.
Edited By - Priya Dixit
