अहमदनगर शहरात तुफान राडा ! ‘या’ पक्षाच्या जिल्हाध्यक्षांना मारहाण !
अहमदनगर महापालिकेच्या प्रोफेसर कॉलनी चौकातील लसीकरण केंद्रावर तुफान हाणामारी झाली आहे.भाजपाचे काही कार्यकर्ते आणि लसीकरण केंद्रावरील पदाधिकार्‍यांमध्ये वादावादी होवून ही हाणामारी झाली असल्याची माहिती समजली आहे.महानगरपालिकेच्या सावेडी लसीकरण केंद्रावर भाजप पदाधिकारी आणि लसीकरणसाठी उपस्थित नागरिकांमध्ये जोरदार धुमश्‍चक्री उडाली.
यावेळी भारतीय जनता पार्टीचे शहर जिल्हाध्यक्ष तथा महापालिकेचे नगरसेवक भय्या गंधे व त्यांच्या मुलांना धक्काबुक्की करत मारहाण झाल्याचे सांगण्यात येत आहे. . या घटनेचा व्हिडीओ सोशल मीडियात व्हायरल झाला आहे.घटनेनंतर सावेडी केंद्रावर पोलीस बंदोबस्त लावण्यात आला आहे. लसीकरणातील वशिलेबाजीवरून हा प्रकार घडल्याचे प्रत्यक्षदर्शीकडून सांगण्यात आले. मनपाच्या प्रोफेसर कॉलनी चौकातील लसीकरण केंद्रावर शुक्रवारी कोव्हॅक्सिन लसीचे डोस उपलब्ध होते.
एका खासगी कंपनीतील कर्मचार्‍यांचे लसीकरण करण्यासाठी भारतीय जनता पार्टीचे पदाधिकारी त्यांना लसीकरण केंद्रावर घेवून आले होते.लसीकरणावरून त्यांच्यात प्रथम वादावादी झाली व त्यांनतर त्यांच्यात हाणामारी झाली असल्याची माहिती समजली आहे. हाणामारी झाल्यानंतर हे प्रकरण तोफखाना पोलिस ठाण्यात पोहोचले आहे.
