मंत्रिपद मिळाले नाही तरी मी माझ्या तत्वांवर ठाम राहीन नितीन गडकरींनी स्पष्ट सांगितले
केंद्रीय मंत्री नितीन गडकरी यांनी नागपुरात सांगितले की ते सार्वजनिक ठिकाणी धर्म आणि जातीबद्दल बोलत नाहीत. लोक समाजसेवेला सर्वोच्च प्राधान्य देतात असे त्यांचे मत आहे. गेल्या वर्षीच्या निवडणूक प्रचारादरम्यान गडकरी यांनी जे म्हटले होते ते आठवत असताना, जो कोणी जातीबद्दल बोलेल, मी त्याला लाथ मारेन असे म्हटले होते. मंत्रिपद मिळाले नाही तर मरणार नाही, मात्र माझ्या तत्वांवर ठाम राहीन .नागपुरात एका कार्यक्रमात गडकरी बोलत होते.
गडकरी पुढे म्हणाले की, आम्ही कधीही जात किंवा धर्माच्या आधारावर भेदभाव करत नाही. मी राजकारणात आहे आणि इथे अनेक प्रकारच्या गोष्टी घडतात. पण मी गोष्टी माझ्या पद्धतीने करायचे ठरवले आहे. मला कोण मतदान करेल याची मला चिंता नाही. मला माझ्या मित्रांनी म्हटले तुम्ही असे का बोलला, हे बोलायला नको होते. पण मी माझ्या आयुष्यात तत्वाने चालतो तत्व पाळतो. मी निवडणूक हरलो किंवा मंत्रिपद मिळाले नाही तर मी मरणार
नाही.
आमदार असताना त्यांनी एका अभियांत्रिकी महाविद्यालयाची परवानगी अंजुमन-ए-इस्लाम इन्स्टिट्यूट (नागपूर) ला कशी हस्तांतरित केली हे गडकरी यांनी पुढे स्पष्ट केले. ते म्हणाले, मला त्याची जास्त गरज वाटली.मुस्लिम समुदायातून अधिक अभियंते, आयपीएस आणि आयएएस अधिकारी निर्माण झाले तर सर्वांचा विकास होईल. असे ते म्हणाले.
Edited By - Priya Dixit
