देशातील पहिली वंदे भारत मालगाडी चालवण्याची तयारी सुरू, मुंबईहून दिल्लीत पार्सल काही तासांत पोहोचतील
पश्चिम रेल्वेने मुंबई-दिल्ली आणि सुरत-दिल्ली दरम्यान ताशी १४०-१६० किमी वेगाने मालवाहू ईएमयू (EMU) चालवण्याचा प्रस्ताव दिला आहे. मंजुरी मिळाल्यानंतर, ही सुपरफास्ट पार्सल सेवा सुरू होईल.
भारतीय रेल्वेच्या प्रमुख सुपरफास्ट गाड्यांपैकी एक असलेली वंदे भारत, आता प्रवासी, पार्सल आणि मालाची जलद वाहतूक करण्यासाठी सज्ज झाली आहे. वंदे भारतप्रमाणेच, पश्चिम रेल्वेने एका नवीन मालवाहू ईएमयूचा वापर करून मुंबई-दिल्ली आणि सुरत-दिल्ली दरम्यान सुपरफास्ट पार्सल सेवा सुरू करण्याचा प्रस्ताव दिला आहे. दोन्ही प्रस्ताव सध्या डीएफसीसीआयएल (DFCCIL) आणि रेल्वे बोर्डाच्या मंजुरीच्या प्रतीक्षेत आहे. पश्चिम रेल्वेने या संदर्भात पत्रव्यवहारही केला आहे.
ही मालवाहू ईएमयू विशेषतः उच्च-मूल्यवान आणि वेळेवर पोहोचवणे आवश्यक असलेल्या मालाच्या जलद वाहतुकीसाठी तयार करण्यात आली आहे. त्याचा परिचालन वेग ताशी १४० ते १६० किलोमीटर असेल. यात पॅलेटाइज्ड कंटेनरच्या वाहतुकीसाठी विशेष व्यवस्था, १,८०० मिमी रुंदीचे स्वयंचलित सरकते दरवाजे आणि तापमान-संवेदनशील वस्तूंसाठी रेफ्रिजरेटेड कंटेनर लोड करण्याची क्षमता आहे. मे २०२५ मध्ये, रेल्वे बोर्डाने सर्व विभागीय रेल्वेला अशा रेकसाठी नवीन संभाव्य मार्ग शोधण्याचे निर्देश दिले. भारतीय रेल्वेवर यशस्वी चाचण्या आधीच घेण्यात आल्या आहे.
Edited By- Dhanashri Naik
