राज ठाकरे - देवेंद्र फडणवीस भेट: निमित्त कौटुंबिक भेटीचं पण चर्चा नव्या युतीची?

devendra fadanavis raj thackeray
Last Modified गुरूवार, 25 नोव्हेंबर 2021 (13:07 IST)
- मयुरेश कोण्णूर
भाजपा नेते आणि विधानसभेतले विरोधी पक्षनेते देवेंद्र फडणवीस यांनी आज मुंबई दादरला राज ठाकरे यांची त्यांच्या निवासस्थानी सपत्नीक भेट घेतल्यानंतर महापालिका निवडणुकांच्या तोंडावर भाजपा-मनसेच्या युतीच्या चर्चा पुन्हा एकदा सुरू झाल्या आहेत.
ही व्यक्तिगत आणि कौटुंबिक भेट असल्याचं दोन्ही बाजूंनी सांगितलं जातं आहे, पण राजकीय हवा तापली आहे.

गेल्या काही काळापासून, जेव्हापासून शिवसेनेनं भाजपाशी काडीमोड केला, तेव्हापासून मनसे-भाजपा या नव्या युतीची महाराष्ट्रात चर्चा सुरू आहे. त्यात मनसेनं त्यांच्या झेंड्यामध्ये पूर्ण भगवा रंग आणल्यापासून आणि हिंदुत्ववादी भूमिका घेणं सुरू केल्यापासून ते भाजपाच्या जवळ जात आहेत असंही म्हटलं जातं आहे.
मुंबई आणि इतर शहरांतल्या महापालिका निवडणुकांच्या निमित्तानं ही राजकीय युती प्रत्यक्षात येण्याची शक्यता आहे.

या पार्श्वभूमीवर आजची फडणवीस यांची राज यांच्या निवासस्थानी भेट महत्त्वाची आहे.

राज हे नुकतेच दादरच्या शिवाजी पार्क इथल्या 'शिवतीर्थ' या नव्या त्यांच्या निवासस्थानी राहायला गेले आहेत. तिथे फडणवीस यांनी राज यांच्या आमंत्रणावरुन भेट दिली. सोबत त्यांच्या पत्नी अमृता फडणवीस याही होत्या.
'राजकीय अर्थ काढू नका'
जवळपास दोन तासांच्या या भेटीदरम्यान दोन्हीही नेते माध्यमांशी मात्र बोलले नाहीत. अर्थात मध्येच पहिल्या मजल्यावरच्या बाल्कनीत येऊन काही काळ त्यांनी गप्पा मारल्या आणि माध्यमांना त्यांचा फोटो मिळाला. नंतर 'मनसे'नं या भेटीचे सहकुटुंब घरातले फोटो ट्वीट सुद्धा केले. पण दोन्ही नेते माध्यमांशी याभेटीबद्दल बोलले मात्र नाही.

"ही एक कौटुंबिक आणि अनौपचारिक भेट होती. त्यामुळे त्यात काही राजकीय निर्णय झालाअसल्याची शक्यता नाही. बाकी आमच्यापैकी तिथे कोणी उपस्थित नव्हते, म्हणून त्यावर अधिक काही बोलता येणार नाही," असं मनसेचे नेते संदिप देशपांडे म्हणाले.
भाजपानंही आजच्या भेटीवर हीच भूमिका घेतली आहे की ही राजकीय भेट नव्हती.

"नवीन घरी देवेंद्रजी भेटण्यासाठी गेले होते. ही कौटुंबिक भेट होती. त्यातून कोणताही राजकीय अर्थ काढू नये. आणि सध्या तरी कोणत्याही राजकीय युतीबाबत भाजपामध्ये चर्चा सुरु नाही," असं भाजपाचे प्रवक्ते केशव उपाध्ये यांनी 'बीबीसी मराठी'ला सांगितलं.

पण दोन राजकीय नेते एकत्र भेटतात तेव्हा राजकारणाची चर्चा होणं स्वाभाविक आहे. प्रश्न इतकाच आहे की ज्या युतीची शक्यता, जरी अधिकृतरीत्या नसली तरीही, दोन्ही बाजूंकडून बोलून दाखवली जाते आहे, ती प्रत्यक्षात कशी येणार? भाजपा आणि मनसेच्या दोन्ही बाजूंकडचे काही मुद्दे जमेचे आहेत तर काही अवघड.
हिंदुत्ववाद जोडणार की प्रांतवाद अंतर वाढवणार?
काही दिवसांपूर्वी भाजपा प्रदेशाध्यक्ष चंद्रकांतपाटील यांनी राज यांची निवासस्थानी येऊन भेट घेतली होती. पण ही युतीसंदर्भातली चर्चा नसून एकमेकांच्या भूमिका समजून घेण्याबद्दलची भेट होती असं पाटील तेव्हा म्हणाले होते. पण 'मनसे'सोबत गेल्यावर उत्तर भारतींयांबद्दलच्या भूमिकेबद्दल असणारी चिंता त्यांच्या बोलण्यात होती.
त्या भेटीत राज यांनी त्यांनी परप्रांतियांबद्दलची त्यांची भूमिका समजावून दिली आणि ती कटुतेची नाही असं सांगितलं, असं पाटील म्हणाले होते. "त्यांनी अशी भूमिका आम्हाला समजावली, पण ती व्यवहारात पण आणायला लागेल. ती व्यवहारात आणणं हे सोपं नाही आहे.

"मला आज हे पूर्ण पटलं की त्यांच्या मनात परप्रांतियांबद्दल काहीही कटुता नाही. पण महाराष्ट्रातल्या व्यक्तीला न्याय मिळण्यासाठी ते जे आंदोलन करतात त्यातून असं प्रतीत होतं की त्यांच्या मनात परप्रांतियांबाबत कटुता आहे. पण ती नाहीये हे प्रत्यक्ष व्यवहारात यावं लागेल," असं चंद्रकांत पाटील तेव्हा म्हणाले होते.
उत्तर भारतीयांबद्दलच्या राज यांच्या पूर्वीच्या आंदोलनांमुळे भाजपाला मुंबई महापालिकेत आणि उत्तर प्रदेशातही अडचण निर्माण होईल असा भाजपाअंतर्गत एक मतप्रवाह आहे.

सोबतच मुंबई शिवसेनेच्या मराठी मतांच्या बालेकिल्ल्याला धडक द्यायची असेल तर त्यांना मनसेची गरजही भासते आहे.

गेल्या काही काळांमधल्या मनसे-भाजपाच्य जवळीकीच्या चर्चांबद्दल बोलतांना ज्येष्ठ पत्रकार संदिप प्रधान यांनी काही दिवसांपूर्वी 'बीबीसी मराठी'शी बोलतांना असं म्हटलं होतं की, "राज ठाकरे यांची उत्तर भारतीयांसंदर्भातील भूमिका जाहीर आहे. त्यामुळे ऐन निवडणुकांआधी राज ठाकरेंसोबत जाताना भाजपचे नेतृत्व विचार करेल. पण अप्रत्यक्ष युतीची शक्यता सुद्धा नाकारता येणार नाही.
"मनसेच्या प्रबळ जागा आहेत त्याठिकाणी भाजप प्रबळ उमेदवार देणार नाही आणि भाजपच्या जागांसाठी मनसे सुद्धा उमेदवार देणार नाही अशा पद्धतीने एकत्र येणं शक्य आहे का? असा विचार होऊ शकतो," असं प्रधान सांगतात.


यावर अधिक वाचा :

राजस्थान सरकारने मेजर ध्यानचंद खेलरत्न पुरस्कारासाठी अवनी ...

राजस्थान सरकारने मेजर ध्यानचंद खेलरत्न पुरस्कारासाठी अवनी लेखरा आणि कृष्णा नगर यांच्या नावाची शिफारस केली
टोकियो पॅरालिम्पिकमध्ये सुवर्णपदक जिंकून देशाचा मान उंचावणाऱ्या अवनी लेखरा आणि कृष्णा ...

New Income Tax Portal: आयटी पोर्टलमध्ये होत आहे सुधार, ...

New Income Tax Portal: आयटी पोर्टलमध्ये होत आहे सुधार, Infosysने 90% त्रुटी दूर केल्या आहेत
देशातील आघाडीची सॉफ्टवेअर सेवा कंपनी इन्फोसिसने आयकर ई-फायलिंग पोर्टलमधील बहुतांश त्रुटी ...

खाजगी शाळांना 2021-22 च्या सत्रात गरीब मुलांना प्रवेश ...

खाजगी शाळांना 2021-22 च्या सत्रात गरीब मुलांना प्रवेश द्यावा लागेल, उच्च न्यायालयाचे आदेश
2021-22 या शैक्षणिक सत्रासाठी खाजगी शाळा चालकांना नियम 134A अंतर्गत गरीब मुलांना ...

धक्कादायक ! डोंबिवलीत आठ महिन्याच्या मुलीला वडिलांनी दारू ...

धक्कादायक ! डोंबिवलीत आठ महिन्याच्या मुलीला वडिलांनी दारू पाजली ,आणि 9 वर्षाच्या मुलीवर बलात्कार केला
दारू चे व्यसन खूपच वाईट असते. दारुच्या नशेत माणूस हैवान बनतो, तो काय करत आहे त्याला ...

वृद्ध महिलेची मुख्यमंत्र्यांकडे आत्महत्या करण्यासाठी ...

वृद्ध महिलेची मुख्यमंत्र्यांकडे आत्महत्या करण्यासाठी परवानगी देण्याची मागणी
पालघर जिल्ह्यातील विक्रमगड तालुक्यात इंदगावच्या 65 वर्षीय अजनी चाबके या वृद्ध महिले ने ...

5 मुलींसह आईने विहिरीत उडी घेतली, गावकऱ्यांनी 6 मृतदेह ...

5 मुलींसह आईने विहिरीत उडी घेतली, गावकऱ्यांनी 6 मृतदेह बाहेर काढले, पती म्हणाला- मी घराबाहेर होतो
राजस्थानमधील कोटा येथे रविवारी एक हृदयद्रावक घटना समोर आली आहे. येथे पतीने त्रासलेल्या ...

औरंगाबादमध्ये सैराटची पुनरावृत्ती! भावानेच बहिणीची केली ...

औरंगाबादमध्ये सैराटची पुनरावृत्ती! भावानेच बहिणीची केली हत्या
औरंगाबाद येथे एक धक्कादायक घटनेत प्रेमविवाह केला म्हणून सख्या भावानेच 19 वर्षीय मुलीची ...

धक्कादायक ! पतीच्या त्रासाला कंटाळून विवाहितेने खाल्ल्या ...

धक्कादायक ! पतीच्या त्रासाला कंटाळून विवाहितेने खाल्ल्या थायराइडच्या 50 गोळ्या
पती सारखे माहेरून पैसे आणायची छळ करायचा कधी घराचे कर्ज फेडण्यासाठी तर कधी कारचे कर्ज ...

India tour of South Africa: अजिंक्य राहणे ऐवजी रोहित ...

India tour of South Africa: अजिंक्य राहणे ऐवजी रोहित शर्माला उपकर्णधार पदाची जबाबदारी मिळू शकते
भारतीय कसोटी संघाचा उपकर्णधार अजिंक्य रहाणे सध्या त्याच्या फॉर्मशी झगडत आहे. ...

ज्युनियर हॉकी विश्वचषकावर कोरोनाची सावली, एक व्यक्ती ...

ज्युनियर हॉकी विश्वचषकावर कोरोनाची सावली, एक व्यक्ती पॉझिटिव्ह
कडक प्रोटोकॉल असूनही, येथे सुरू असलेला ज्युनियर हॉकी विश्वचषक कोरोना महामारीच्या विळख्यात ...