महाराष्ट्रातील चंद्रपूरमध्ये बलात्कार पीडितेची आत्महत्या, आरोपीला अटक
चंद्रपूर : चंद्रपूरच्या बल्लारपूर शहरात एका अल्पवयीन मुलीने बलात्कारानंतर राहत्या घरी गळफास घेऊन आत्महत्या केल्याची घटना घडली आहे. याप्रकरणी पोलिसांनी 20वर्षीय आरोपीला अटक केली आहे. मिळालेल्या माहितीनुसार, 2 सप्टेंबर रोजी 20 वर्षीय आरोपी शिवम दिनेश दुपारे याने त्याच्या 17 वर्षीय प्रेयसीला रात्री 11 वाजण्याच्या सुमारास शहरातील एका हॉटेलमध्ये नेले आणि मुलीने नकार देऊनही तिच्यावर बलात्कार केला. बलात्काराच्या घटनेनंतर आरोपीने मुलीला घराजवळ सोडले. हे दोघेही गेल्या एक वर्षापासून एकमेकांना ओळखत असल्याचे सांगण्यात येत आहे.
आरोपीला अटक-
मिळालेल्या माहितीनुसार पोलिसांनी काल रात्रीच आरोपीला अटक केली आणि POCSO अंतर्गत गुन्हा दाखल केला. पोलीस तपासात व्यस्त असतानाच आज सकाळी मुलीने राहत्या घरी गळफास घेऊन आत्महत्या केली. मुलीच्या आत्महत्येमागील कारणाचा पोलीस तपास करत आहेत. बल्लारपूरचे एसएचओ सुनील गाडे यांनी सांगितले की, या प्रकरणी 20वर्षीय आरोपीला अटक करण्यात आली आहे.
