संबंधित माहिती
- मुंबईत एयर होस्टेससोबत सामूहिक दुष्कर्म, एअरलाईन सुरक्षा अधिकार्याला अटक
- गँगरॅप, हत्येतील आरोपी आमदाराला तुरुंगात भेटले साक्षी महाराज, धन्यवाद म्हटले
- शक्ती मिल बलात्कार : फाशीची शिक्षा निश्चितीचा मार्ग मोकळा
- मित्रांनी पाजली तिला दारू आणि केला तिच्यावर बलात्कार पुण्यातील घटना
- बालिका शिकायला गेली नेमबाजी क्रीडा संकुलातील त्याने केला तिच्या सोबत असे केले
नराधम बापाचे कृत्य अल्पवयीन मुलीवर बलात्कार
नात्याला काळिमा फासणारी घटना घडली आहे. महिला बाहेर नाही तर घरात सुरक्षित नाही हे पुन्हा सिद्ध झाले आहे.
पुणे जिल्ह्यातील मरकळ (ता. खेड) येथे एका नराधम सावत्र बापाने त्याचा अल्पवयीन मुलीवर बलात्कार केला आहे. याप्रकरणी मुलीच्या आईने पोलिसांकडे तक्रार दाखल केली असून पोलिसांनी आरोपीला अटक केली आहे. न्यायालयाने त्याला 7 जून पर्यंत पोलीस कोठडी सुनावली आहे.
पोलिसांनी दिलेल्या माहितीनुसार ही घटना रविवारी घडली असून, फिर्यादी महिलेच्या पतीचे काही वर्षांपूर्वी निधन झाले आहे. आरोपी आणि फिर्यादी महिला हे एकाच कंपनीत गेल्या दोन वर्षांपासून दिवस आणि रात्रपाळीमध्ये काम करत होते. फिर्यादी महिलेचा आरोपीसोबत मंदिरात विवाह लावून देण्यात आला होता. रविवारी आरोपी रात्रपाळी करुन घरी परतला. त्यावेळी मुलीची आई दिवसपाळीमध्ये कामाला गेली होती. घरात पीडित मुलगी आणि सावत्र वडील दोघेच होते. घरात कोणी नसल्याचा फायदा घेत सावत्र बापाने मुलीवर बळजबरी करत बलात्कार केला आहे. जेव्हा या मुलीची आई संध्याकाळी नोकरीवरून परत घरी आली तेव्हा पीडित मुलीने याबाबत तिला सर्व सांगितले. त्यानंतर आईने थेट आळंदी पोलीस स्टेशनमध्ये धाव घेतली आणि तक्रार दाखल केली आहे. पोलिसांनी आरोपीला तात्काळ अटक केली.
आरोपी हा मूळचा मध्यप्रदेशचा असून मुलीची आई अरुणाचल प्रदेश येथील आहे. आरोपीला कोर्टात हजर केले असता न्यायालयाने 7 जूनपर्यंत पोलीस कोठडी सुनावली.
