संबंधित माहिती
PUBG News: पब्जी खेलते हुए दूसरी मंजिल से गिरा युवक, महाराष्ट्र के पालघर में इलाज शुरू
PUBG गेमबाबत अनेक धोकादायक किस्से ऐकायला मिळतात. ज्यामध्ये या किलर गेममुळे अनेक लहान मुले आणि तरुणांना जीव गमवावा लागल्याचे समोर आले आहे. अशीच एक घटना काही दिवसांपूर्वी महाराष्ट्रातील नाशिक जिल्ह्यात उघडकीस आली होती. ज्यात नाशिकचा एक तरुण PUBG खेळत नांदेडला पोहोचला होता. मात्र, नंतर या तरुणाला पोलिसांनी पकडून पुन्हा कुटुंबाशी जोडले. आता महाराष्ट्रातील पालघर जिल्ह्यात पबजीशी संबंधित आणखी एक प्रकरण समोर आले आहे. मिळालेल्या माहितीनुसार, PUBG गेम खेळत असताना 16 वर्षीय तरुण इमारतीच्या दुसऱ्या मजल्यावरून खाली पडला. वास्तविक जखमी तरुण बांधकाम सुरू असलेल्या इमारतीच्या दुसऱ्या मजल्यावर PUBG खेळत होता. यादरम्यान तो खाली पडला.
इमारतीवरून पडल्याने तो गंभीर जखमी झाला. सध्या त्याच्यावर रुग्णालयात उपचार सुरू आहेत. ही घटना पालघरच्या शिरगावची आहे. देशभरात PUBG गेम खेळणाऱ्यांची संख्या मोठी आहे. गेम खेळण्याच्या प्रक्रियेत तरुण लोक इतके हरवून जातात की त्यांना कशाचेच भान राहत नाही. अशा स्थितीत हा धोकादायक खेळ पालकांसाठी चिंतेचा विषय राहिला आहे.
घटना कशी घडली?
पालघरमध्ये एक 16 वर्षीय तरुण त्याच्या मित्रासोबत बांधकाम सुरू असलेल्या इमारतीत PUBG गेम खेळत होता. इमारतीच्या दुसऱ्या मजल्यावर गेम खेळत असताना अचानक ही दुर्दैवी घटना घडली. सोळा वर्षांचा शादान मजहर शेख PUBG खेळताना इतका हरवला होता की तो दुसऱ्या मजल्यावरून कधी खाली पडला हे त्याला कळलेच नाही. खेळ खेळत असताना अचानक शादानचा तोल बिघडला आणि तो थेट खाली पडला. या अपघातात तो गंभीर जखमी झाला आहे. सध्या त्यांना पालघर येथील रिलीफ हॉस्पिटलमध्ये दाखल करण्यात आले आहे.
PUBGचे व्यसन..
गेल्या दोन वर्षांत अनेक तरुणांना PUBG गेम खेळण्याची वाईट सवय लागली आहे. भारत आणि चीनमध्ये तणाव वाढल्यानंतर PUBG सह 118 अॅप्सवर बंदी घालण्यात आली. मात्र, काही दिवसांनंतर भारतात PUBG गेम पुन्हा सुरू होणार असल्याची बातमी आली. तेव्हापासून PUBG च्या चाहत्यांमध्ये उत्सुकता होती.
