Pola festival 2023 सण साजरा करतो, बैल-पोळा, महत्व देतो बैलांना

Download

Updated: Thu, 14 Sep 2023 (09:53 IST)

आले नवीन यंत्र सामग्री, शेत नांगराया,

महत्व कमी झाले,बैलजोडी चे,किंमत न कोणी कराया,

पिढ्या न पिढ्या चाकरी प्रेमानं बजावली,

झुली खाली व्रण घेऊन, चाकरी म्या केली,

आज ही करतो चाकरी, इमाने इतबारे,

राबलो धन्या संग , कित्ती असो ऊन-वारे,

धनी पण लावतो जीव आम्हा मुक्या जीवांना,

सण साजरा करतो, बैल-पोळा, महत्व देतो बैलांना,

थकतो आम्हीही शेतात राबून, हे माणसा,

पण दिले जर प्रेम तुम्ही,आम्हीं ही चालवतो वसा,

रागावतो धनी, पाठीवर व्रण येती आमच्या,

ते ही करतो सहन,प्रेमा पोटी  रे तुमच्या.!

..अश्विनी थत्ते.