Commonwealth Games 2022 Day 8 : साक्षी मलिकने कुस्तीमध्ये सुवर्ण जिंकले, स्पर्धेत भारताला आठवे सुवर्ण मिळवून दिले

Sakshi Malik Wins Gold : भारताच्या साक्षी मलिकने बर्मिंगहॅम येथे सुरू असलेल्या 2022 राष्ट्रकुल स्पर्धेत इतिहास रचला. साक्षीने फ्री स्टाईल 62 किलो गटात कॅनडाच्या अॅना गोडिनेझ गोन्झालेझचा पराभव करून सुवर्णपदक जिंकले. साक्षीने विरोधी खेळाडूला पहिला फटका मारून चार गुण मिळवले. त्यानंतर पिनबॉलसह ऐतिहासिक विजयाची नोंद केली. साक्षी मलिकचे हे पहिले सुवर्ण आहे. साक्षीने यापूर्वी कॉमनवेल्थ गेम्समध्ये रौप्य (2014) आणि कांस्यपदक (2018) जिंकले होते.

2022 च्या राष्ट्रकुल क्रीडा स्पर्धेत भारताने आतापर्यंत 23 पदके जिंकली आहेत. यामध्ये आठ सुवर्ण, आठ रौप्य आणि सात कांस्य पदकांचा समावेश आहे. कुस्तीपटू बजरंग पुनिया आणि साक्षी मलिक यांनी आठव्या दिवशी सुवर्णपदक पटकावले.

भारताचे पदक विजेते

8 सुवर्ण:  मीराबाई चानू, जेरेमी लालरिनुंगा, अंचिता शेउली, महिला लॉन बॉल संघ, टेबल टेनिस पुरुष संघ, सुधीर (पॉवर लिफ्टिंग), बजरंग पुनिया, साक्षी मलिक

8 रौप्य  : संकेत सरगरी, बिंदियारानी देवी, सुशीला ठकूर, विकला देवी भारतीय बॅडमिंटन संघ, तुलिका मान, मुरली श्रीशंकर, अंशु मलिक

7 कांस्य: गुरुराजा पुजारी, विजय कुमार यादव, हरजिंदर कौर, लवप्रीत सिंग, सौरव घोषाल, गुरदीप सिंग, तेजस्वीन शंकर

भारताच्या बजरंग पुनियाने बर्मिंगहॅम येथे सुरू असलेल्या 2022  राष्ट्रकुल क्रीडा स्पर्धेत आश्चर्यकारक कामगिरी केली. बजरंग पुनियाने 65 किलो वजनी गटात कॅनडाच्या कुस्तीपटूला हरवून सुवर्णपदक जिंकले. 

कुस्तीमध्ये देशाला पहिले पदक मिळाले आहे. भारताच्या अंशू मलिकने 57 किलो वजनी गटात रौप्य पदक जिंकले. मात्र, अंतिम सामन्यात सुवर्णपदक जिंकण्यापासून ती हुकली. नायजेरियाच्या ओडुनायो अडेकुरोयेने अंतिम फेरीच्या पहिल्या फेरीत चार गुण मिळवले. यानंतर अंशूने दुसऱ्या फेरीत जोरदार पुनरागमन करत चार गुण मिळवले, पण नायजेरियाच्या ओडुनायो अडेकुओरोयेनेही दुसऱ्या फेरीत दोन गुण मिळवले. अशा स्थितीत अंशूला सुवर्णपदक जिंकता आले नाही आणि अंशू मलिकला रौप्यपदकावर समाधान मानावे लागले.