AFC Asian Cup: भारतीय फुटबॉल संघ सलग दुसऱ्यांदा एएफसी आशियाई चषक स्पर्धेत पोहोचला
एएफसी आशियाई चषक स्पर्धेतील भारतीय संघाचे स्थान निश्चित झाले असून सलग दुसऱ्यांदा भारतीय संघ या स्पर्धेत खेळताना दिसणार आहे. भारतीय फुटबॉलच्या इतिहासात पहिल्यांदाच टीम इंडियाने एएफसी आशियाई चषक स्पर्धेत सलग दुसऱ्यांदा प्रवेश केला आहे. फिलीपिन्सवर पॅलेस्टाईनच्या विजयासह भारतीय संघाचे एएफसी आशियाई चषक स्पर्धेतील स्थान निश्चित झाले.
भारतीय फुटबॉल संघाने सलग दुसऱ्यांदा एएफसी आशियाई चषकात प्रवेश केला आहे.AFC आशियाई चषक 2023 मध्ये खेळवला जाणार आहे.पॅलेस्टाईनने फिलीपिन्सविरुद्ध 4-0 असा शानदार विजय नोंदवला आणि या विजयासह भारत पात्र ठरला.भारताने पात्रता फेरीत अफगाणिस्तानचा 2-1 ने पराभव केला, तर कंबोडियाविरुद्ध 2-0 असा विजय नोंदवला.
भारताचा ग्रुप स्टेजमधील शेवटचा सामना हाँगकाँगसोबत होणार आहे. मात्र, या सामन्याच्या निकालाचा भारताच्या पात्रतेवर परिणाम होणार नाही. असे असतानाही हा सामना जिंकून टीम इंडियाला आपली तयारी आणखी मजबूत करायची आहे. त्याचबरोबर फिफा क्रमवारीच्या दृष्टीनेही हा सामना भारतीय संघासाठी महत्त्वाचा आहे. भारतीय संघ पहिल्यांदा 1964 मध्ये AFC आशियाई कपचा भाग बनला होता. यानंतर ही स्पर्धा 1984, 2011 आणि 2019 मध्येही खेळली गेली. आता 2023 मध्ये सलग दुसऱ्यांदा टीम इंडिया या स्पर्धेत सहभागी होणार आहे.
भारताचे ड गटात सहा गुण आहेत आणि गोल फरकात हाँगकाँगच्या मागे दुसऱ्या स्थानावर आहे.शेवटच्या गट सामन्यापूर्वी तो पात्र ठरला.आशियाई चषक स्पर्धेसाठी भारत सलग दुसऱ्यांदा पात्र ठरण्याची ही पहिलीच वेळ आहे.
सुनील क्षेत्री याने या स्पर्धेच्या क्वालिफायरच्या तिसऱ्या फेरीत यापूर्वीच तीन गोल केले आहेत. या सामन्यात त्याला त्याच्या आंतरराष्ट्रीय कारकिर्दीतील 84 वा गोल करण्याची इच्छा आहे. असे केल्याने, क्षेत्री सर्वाधिक आंतरराष्ट्रीय गोल करण्याच्या बाबतीत हंगेरियन दिग्गज फेन्स पुस्कासची बरोबरी करेल.
