मराठा आरक्षण: मेडिकल पदव्युत्तर अभ्यासक्रमाचे सर्व प्रवेश रद्द

या निकालाला सर्वोच्च न्यायालयात आव्हान देण्याबाबत शनिवारी वैद्यकीय शिक्षण विभागाची तातडीची बैठक होणार आहे.

उच्च न्यायालयाच्या निकालामुळे सुमारे 400 सरकारी आणि 450 खासगी महाविद्यालयातील जागांचं वाटप रद्द होणार आहे. आतापर्यंतच्या प्रवेश प्रक्रियेत मराठा समाजासाठी 16 टक्के आरक्षण गृहित धरून जागांचं वाटप झालं होतं. त्यात सर्वाधिक जागा मराठा समाजाला मिळाल्या होत्या.

अनेक महाविद्यालयात खुल्या प्रवर्गासाठी एकही जागा शिल्लक नव्हती. आता नवी प्रकिया राबवल्यास मराठा समाजाला दिलेल्या सर्व जागा खुल्या प्रवर्गात वर्ग होतील.