पहिल्यांदाच विमानाने प्रवास करत असाल तर घ्या काळजी!

दोन तास आधी एअरपोर्टला पोहोचा

जर तुम्ही पहिल्यांदाच विमान प्रवास करत असाल तर तुमचे एअरपोर्टवर कमीत कमी 2 तास आधी पोहोचणे गरजेचे आहे. याचं कारण म्हणजे एअरपोर्टवरील सर्वच प्रोसेस फार वेळखाऊ असतात. त्या पूर्ण करण्यासाठी बराच वेळ लागतो. त्यामुळे आधीच तेथे पोहोचल्यास अधिक चांगले.

आयडी प्रूफ आणि तिकिटाची फोटोकॉपी

पहिल्यांदाच विमान प्रवास करणार असाल तर तुमचं तिकीट आणि ओळखपत्राची फोटोकॉपी अवश्य ठेवा. जर तुम्ही तुमच्या परिवारासोबत आणि मुलांसोबत प्रवास करत असाल तर त्यांचा जन्माचा दाखला आणि परिवारातील सदस्यांचे ओळखपत्र सोबत ठेवा.

एअरलाईनच्या हिशेबाने ठेवा बॅग

एअरलाईन्सचे वेगळे नियम असतात. त्यानुसार काही नियोजित वजनाची बॅग तुम्ही विमानात घेऊन जाऊ शकता. त्यामुळे नियमानुसार बॅगेचं वजन ठेवा, अन्यथा तुम्हाला जास्तवजनासाठी जास्त पैसे मोजावे लागू शकतात. यासोबतच बॅगेमध्ये टोकदार वस्तू, चाकू किंवा ब्लेडसारख्या वस्तू ठेवू नका.

सिक्युरिटी चेकिंगला द्या प्रतिसाद

तुम्हाला चेकिंग काऊंटरवर बोर्डिंग पास आणि आयकार्ड दाखवावं लागेल. नंतर सिक्युरिटी फोर्स मेंबर्स तुमचं चेकिंग करणार आणि बोर्डिंग पासवर स्टॅम्प तुम्हाला परत देतील. यात उगाच दिरंगाई करु नका. त्यानंतर तुम्हाला सांगण्यात आलेल्या गेटकडे जावं लागेल. तुमचा फ्लाईट नंबर आणि सीट नंबरही तुम्हाला दिला जाईल.

सीट बेल्ट आणि इतर माहिती नीट ऐका

टेकऑफच्या एक तासांपूर्वी टर्मिनलचं गेट उघडलं जाईल. इथे पुन्हा एकदा बोर्डिंग पास आणि हँडबॅग चेक करावं लागेल. प्लेनमध्ये एन्ट्री केल्यानंतर सर्वातआधी क्रू मेंबर्स तुम्हाला काही सूचना देतील. त्या फॉलो करा.