शंकरपाळी खुसखुशीत होण्यासाठी कणकेत काय घालावे? प्रमाण आणि कृती जाणून घ्या

मिश्रण गरम करणे: एका भांड्यात १ वाटी दूध/पाणी, १ वाटी साखर आणि १ वाटी साजूक तूप एकत्र करा. साखर विघळेपर्यंतच हे मिश्रण हलके गरम करून घ्या (उकळवायचे नाही). मिश्रण कोमट होऊ द्या.

कणिक मळणे: एका पसरट परातीत मैदा चाळून घ्या. त्यात एक चिमूट मीठ घाला. आता तयार केलेले कोमट तुपाचे मिश्रण थोडे थोडे घालून घट्ट कणिक मळून घ्या. (पीठ जास्त सैल मळू नका, घट्ट पिठामुळे शंकरपाळी खुसखुशीत होते).

मुरवणे: कणिक १५ ते २० मिनिटे झाकून ठेवा.

लाटणे व कापणे: पिठाचा मोठा गोळा घेऊन थोडा जाडसर लाटून घ्या (खूप पातळ लाटू नका). सुरीने किंवा कटरने चौकोनी किंवा हिऱ्याच्या (डायमंड) आकाराचे तुकडे कापा.

तळणे: कढईत तेल किंवा तूप मंद ते मध्यम आचेवर गरम करा. शंकरपाळी कढईत सोडून मंद आचेवर हलका गुलाबी/सोनेरी रंग येईपर्यंत तळा.

काही महत्त्वाच्या टिप्स:

तुपाचे मोहन: तूप नेहमी पातळ करून मगच वाटीने मोजावे.

मंद आच: शंकरपाळी कधीही मोठ्या आचेवर तळू नका, नाहीतर ती वरून लाल होईल आणि आतून मऊ/काच्ची राहील.

गार झाल्यावर कडक होणे: तळताना शंकरपाळी थोडी मऊ वाटते, पण ती पूर्ण थंड झाल्यावर छान कडक आणि खुसखुशीत होते.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.