गजानन महाराजांची भूपाळी

अरुणोदय तो तुझ्या कृपेचा होऊं दे लवकर ।

चित्त प्राचिला उदय पावुं दे बोधाचा भास्कर ॥४।।

दशेंद्रिये हीं दहा दिशा त्या उजळतील त्यामुळें।

सत्पथ वाटा दिसूं लागुनी हितानहित तें कळें।।५ ।।

तुझ्या कृपेचा अगाध महिमा ज्ञाते जन सांगती ।

म्हणुन तुला मी दीनदयाळा येतो काकूळती ।।६ ।।

अंताचा ना मुळीच बघवे वरदकर धरा शिरीं ।

पापताप हें दु:खयातना दासगणूच्या हरी ।।७ ।।

भूपाळी

मुखमार्जन तें तुम्हा कराया उष्णोदक साचें।

गंगा, यमुना, गोदा, तुंगा, रेवा, कृष्णेचें।।धृ॥

दंत-धावना लवण, बसा या चौरंगावरती।

उपहारसी शिरापुरी ही सेवा गुरुमूर्ती ।।१ ।।

जाई, मालती, बकुल, शेवंती, कुंद मोगर्‍याचा।

हार गुंफीला रेशिमतंतू कल्पुन प्रेमाचा ॥ २ ॥

अष्टगंधी अर्गजा हिना घ्या कफनि शालजोडी।

दासगणू म्हणे तव भक्तांचे क्लेशपाश तोडी ॥३।।