फेसबुकने आत्महत्येपासून परावृत्त केले

आपण परिस्थितीला कंटाळून आत्महत्या करणार असल्याचे अल्पवयीन मुलीने फेसबुकवरील पोस्टमध्ये नमूद केले होते. फेसबुकने या पोस्टची दखल घेत ती मुख्यालयाकडे पाठवली. तेथेही या पोस्टचे गांभीर्य ओळखून त्याबाबत गुवाहाटी पोलिसांना अलर्ट पाठवण्यात आले. पोलिसांनी तातडीने पावले उचलत त्या मुलीला आत्महत्येपासून परावृत्त करून तिचा जीव वाचवला आहे. आता त्या मुलीची मानसीक स्थिती सुधारत असून ती सुरक्षीत असल्याचे पोलिसांनी सांगितले. पोलिसांनी केलेल्या समुपदेशनानंतर मुलीने आत्महत्येबाबतची पोस्ट डिलीट केली आहे.