मराठा आरक्षणावर राज्यपालांची स्वाक्षरी

राज्य मागासवर्ग आयोगाच्या शिफारशीनंतर मराठा समाजाला 16 टक्के आरक्षण देणारे विधेयक गुरुवारी विधिमंडळात एकमताने मंजूर करण्यात आले. शुक्रवारी दुपारी ते राज्यपालांच्या मंजुरीसाठी पाठविण्यात आले होते. या विधेयकाला राज्यपालांनी तत्काळ मंजुरी दिली. राज्यपालांनी या विधेयकावर स्वाक्षरी करून मंजुरी दिल्याने याच आठवड्यात मराठा आरक्षण लागू होणार आहे.