काजळ पसरू नये म्हणून काय करता येईल जाणून घ्या

काजळ लावल्यानंतर डोळ्यांचा नूर पालटत असला तरी ते योग्य पद्धतीने लावणं आवश्यक असतं. पसरलेलं काजळ सौंदर्यात बाधा आणतं. म्हणूनच अनेक जणी स्मज फ्री म्हणजेच न पसरणारं काजळ वापरतात. मात्र असं काजळही पसरू शकतं. काजळ पसरू नये म्हणून काय करता येईल याविषयी...

* सध्या चेहर्यावर मास्क असल्यामुळे डोळ्यांच्या मेकअपवर भर असतो. तुम्हालाही खास प्रसंगासाठी हेवी आय मेक अप करायचा असेल तर सगळं काही योग्य पद्धतीने सेट व्हायला हवं. चेहर्यालचा मेकअप करण्यासाठी फाउंडेशन, बीबी क्रीमचा बेस आवश्यक असतो. त्याचप्रमाणे डोळ्यांच्या मेकअपसाठीही बेस लागतो. तुम्ही प्रायमर किंवा फाउंडेशनचा वापर करून हा बेसदेऊ शकता. यामुळेकाजळ डोळ्यांलगत बराच काळ टिकून राहील.

* दमट वातावरण आणि डोळ्यांमधून वारंवार पाणी येत असेल तर कोणतंही काजळ वापरू नका. अशा परिस्थितीत नॉन डाईंग फॉर्म्युलावालं वेगन काजळ निवडा. त्यातही पेन्सिल काजळ निवडलं तर उत्तम.

* लिपस्टिकप्रमाणेच काजळ सेट व्हायलाही थोडा वेळ लागतो. त्यामुळे काजळ लावल्यानंतर लगेच आय मेकअप करू नका. पाच ते दहा मिनिटं थांबा.