डॉलरच्या तुलनेत रुपयाची मोठी घसरण

कच्चे तेल आणि डॉलरची मागणी वाढल्याने रुपयाची घसरण सातत्यानं सुरू आहे. दिवसाच्या सुरुवातीच्या भागात रुपयात घसरण वाढली आहे. आता डॉलरच्या तुलनेत रुपया ६९.०९च्या स्तरावर पोहोचला आहे. या आधी बुधवारी रुपया १९ पैशांनी खाली आला होता. ६८.४३ रुपये प्रति डॉलर कारभाराला सुरुवात झाली होती.

मंगळवारी दिवसाचा कारभार संपताना रुपया डॉलरच्या तुलनेत ११ पैशांची घसरण पाहायला मिळाली. डॉलरच्या तुलनेत रुपया ६८.२४च्या स्तरावर पोहोचला होता. नोव्हेंबर, २०१६ नंतर पहिल्यांदाच रुपया डॉलरच्या तुलनेत इतका खाली उतरला आहे. आंतरराष्ट्रीय स्तरावरील घडामोडींचा परिणाम शेअर बाजरावर पाहायला मिळाला आहे. शेअर बाजारात ३५.७६ अंकांची घसरण दिसून आली.