‘स्टँडर्ड अॅण्ड पूअर्स’कडून मानांकनात सुधारणा नाही

२०१८ ते २०२० या कालावधीत भारतीय अर्थव्यवस्थेत सुधारणा होईल, असा अंदाज ‘स्टँडर्ड अॅण्ड पूअर्स’कडून वर्तवण्यात आला आहे. भारताकडे असणारी परकीय चलनाची गंगाजळी या काळात वाढेल, असेदेखील संस्थेने अहवालात नमूद केले आहे. 

‘एस अॅण्ड पी’ने याआधी जानेवारी २००७ मध्ये भारताच्या मानांकनात सुधारणा केली होती. त्यावेळी संस्थेने भारताच्या मानांकनात वाढ करुन ते BBB- केले होते. BBB- गुंतवणूक क्षेत्रातील निच्चांकी मानांकन मानले जाते. त्यावेळी संस्थेने भारतीय अर्थव्यवस्था स्थिर असल्याचे म्हटले होते. यानंतर २००९ मध्ये ‘एस अॅण्ड पी’ने भारतीय अर्थव्यवस्थेला नकारात्मक शेरा दिला. यानंतर पुन्हा २०१० मध्ये भारतीय अर्थव्यवस्थेला स्थिर असा शेरा मिळाला. २०१२ मध्ये पुन्हा भारताला नकारात्मक शेरा देण्यात आला.