तंदुरूस्ती कायम राखताना

उच्च रक्तदाबाची आनुवंशिक कारणंही आहेत. त्यामुळे तुमच्या घरात उच्च रक्तदाबाचा इतिहास असेल तर तिशी ओलांडल्यानंतर आरोग्य तपासणीला सुरूवात करा. एकदा का उच्च रक्तदाब जडला की औषधं आणि जीवनशैलीतले सकारात्मक बदल यांनीच त्यावर नियंत्रण ठेवता येतं. उच्च रक्तदाबावर नियंत्रण ठेवण्यासाठी वजन कमी करणं आवश्यक आहे. तसंच धूम्रपान, मपानालाही अटकाव करायला हवा. यासोबतचमीठही कमी खायला हवं. निरोगी राहण्यासाठी जास्त मीठ असणारे पदार्थ खाऊ नयेत.

आयुष्यात ताणतणाव असले तरी त्यावर मात करता आली पाहिजे. उगाचच धावपळ करून आपलं आरोग्य बिघडवून घेण्यात काहीच अर्थ नाही. योगा, मेडिटेशन, धावण्याचा किंवा कोणत्याही प्रकारचा व्यायाम करून तुम्ही तंदुरुस्त राहू शकता.

चिन्मय प्रभू