कुरकुरीत भजी बनवण्याचे ५ सोपे रहस्य: आता घरच्या घरी बनवा हॉटेलसारखी भजी!

तांदळाचे पीठ किंवा कॉर्नफ्लोर: बेसनाचे पीठ भिजवताना त्यात १ ते २ चमचे तांदळाचे पीठ किंवा कॉर्नफ्लोर घाला. यामुळे भजी तेल शोषून घेत नाहीत आणि जास्त वेळ कुरकुरीत राहतात.

गरम तेलाचे मोहन: पीठ भिजवून झाल्यावर त्यात १ ते २ चमचे कडकडीत गरम तेल (मोहन) घाला आणि व्यवस्थित मिक्स करा. यामुळे भजी आतून हलकी आणि बाहेरून कुरकुरीत होतात.

पिठाचा पोत : पीठ जास्त पातळ किंवा जास्त घट्ट मळू नका. पीठ मध्यम असावे जेणेकरून भाज्यांवर पिठाचा हलका थर बसेल.

बेकिंग सोडा प्रमाणात वापरा: चिमूटभर बेकिंग सोडा वापरल्यास भजी छान फुलतात, पण जास्त सोडा घातल्यास ती तेलकट होतात.

कांदा हलक्या हाताने चोळा: कांदा भजी बनवताना कांद्यात आधी मीठ लावून ५ मिनिटे ठेवा. कांद्याला सुटलेल्या पाण्यामध्येच बेसन मळा; वरून वेगळे पाणी टाकू नका.

तळण्याची योग्य पद्धत: भजी नेहमी मध्यम आचेवर तळा. तेल खूप जास्त गरम असल्यास भजी बाहेरून काळी पडतील आणि आतून कच्ची राहतील.

प्रो-टिप : भजी ८०% तळून बाहेर काढा आणि २ मिनिटांनी पुन्हा कडकडीत गरम तेलात १ मिनिट तळा. या ट्रिकमुळे भजी हॉटेलसारखी अतिशय कुरकुरीत बनतात.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik