Dharma Sangrah
✕

झाशीची राणी ,अशी होती मर्दानी....

Updated: शुक्रवार, 18 जून 2021 (08:52 IST)
झाशीची राणी ,अशी होती मर्दानी....
 
संसार वेलीवर फुल फुलले
राज्याला वारस लाभला.
असा हा आनंद उभयतांचा
फार काळ नाही टिकला.
झाशी संस्थानाला वारस दत्तक घेऊनी
झाशीची राणी ,अशी होती मर्दानी....
 
गेला शोक-चिंतेने झाशीचा राजा
सौभाग्य लक्ष्मीबाईचे अचानक ढळले.
राज्याचा कारभार घेऊनी हाती
राणीने राज्य खंबीरपणे सांभाळले.
चतुर चपळ ,धाडसी धोरणी झाशीची स्वामीनी
झाशीची राणी, अशी होती मर्दानी....
 
न राजा न राजपुत्र निसंतान राज्य
खालसा करण्या संस्थान झाशीचे.
किल्ल्यावर इंग्रजांनी निशान रोवून
आटोकाट अथक प्रयत्न डलहौसीचे.
उतरली रणांगणी राणी ढाल तलवार घेऊनी
झाशीची राणी, अशी होती मर्दानी....
 
"मेरी झांसी नही दूंगी "
" माझी झाशी मी देणार नाही."
अंतीम श्वासापर्यंत झाशी लढवेन
जनरोष नको विधवेवर काही .
लढण्या डोईस फेटा, मर्दानी पोषाक चढवूनी
झाशीची राणी ,अशी होती मर्दानी....
 
स्वराज्याचे महायुद्ध स्वत्व स्वाभिमान
स्वातंत्र्य समर महान क्रांती झाली.
किल्ल्यात झाशीच्या असुरक्षितता
स्त्री सैनिकांची सेना तरबेज ठेवली.
घोड्यावर बैसूनी राणी उडी घेतली तटावरुनी
झाशीची राणी ,अशी होती मर्दानी.....
 
घोडा तिचा गेला दुर्दैवाने
तलवार चालवून दुर्गेसम लढली.
नव्या घोड्याने  दिला धोका
रक्तात ती न्हाऊन निघाली.
पोशाख मर्दानी ,अलंकारीत अनेक जखमांनी
झाशीची राणी ,अशी होती मर्दानी.....
 
मठात घेऊनी गेल्या सख्या
तेथेच शेवटचा श्वास सोडला.
शीलवती देशभक्त क्रांतीकारीणीचा
तेथेच अंतिम संस्कार झाला.
प्राणपणाने लढूनी स्वातंत्र्य यज्ञी आहुती देऊनी
झाशीची राणी ,अशी होती मर्दानी.....
 
स्त्री स्त्रीमन स्त्रीतन सुदृढ सक्षम 
व्हायचे सबला शरीरबल वाढवूनी .
झाशी राणीने दिला आदर्श महान
राणी लक्ष्मीबाईसम मर्दानी होऊनी.
दुर्गेसम रणचंडकेला या आदरांजली  मनोमनी
झाशीची राणी ,अशी होती मर्दानी.....
 
मीना खोंड

सर्व पहा

१०० रुपयांत धनत्रयोदशी पूजा आणि सोने-चांदी न घेता समृद्धी आणणारे ५ उपाय

अज्ञानापोटी लक्ष्मीचा अनादर नका करू! झाडू चौरस्त्यावर फेकण्यामागील अंधश्रद्धा उघड

केसातील कोंड्यावर उपाय जाणून घ्या

नोकरी करणाऱ्या महिलांसाठी ५-स्टेप स्किन केअर रुटीन; त्वचा दिसेल चमकदार आणि तजेलदार!

विषारी हवा फुफ्फुसांसह हृदय आणि मेंदूलाही पोहोचवते नुकसान; आरोग्याची अशी घ्या काळजी!

सर्व पहा

गोड पदार्थ जास्त खाण्याची सवय यकृतासाठी ठरू शकते घातक! लिव्हर निरोगी ठेवण्यासाठी जाणून घ्या उपाय

चुकीच्या जीवनशैलीमुळे यकृताच्या आरोग्यावर होतोय परिणाम? निरोगी लिव्हरसाठी दररोज करा ही ५ योगासने!

नैतिक कथा : वडिल म्हणाले मुलाला दानात आनंद आहे

चॉकलेट बर्फी आणि ओरियो लाडू: लहान मुलांसाठी खास दिवाळी स्वीट रेसिपीज

Halloween Makeup Ideas हॅलोविन पार्टीसाठी ५ सोपे मेकअप आयडीया

पुढील लेख
Show comments