फॉर हेल्दी ऑफिस लाईफ

* मित्रांनो, मीठमुळे रक्तदाब वाढतो, त्यामुळे पॉपकॉर्न, वेफर्स, चटपटीत बिस्किटं असल्या स्नॅक्सना फाटा द्या. त्याऐवजी एखादं फळ खा. 

* ऑफिसमध्ये बसून काम करावं लागतं हे खरं पण सलग सात ते आठ तास बसून राहू नका. तासभरानं उठा व एखादी चक्कर मारून या. 

* तुम्ही स्वत: धूम्रपान करू नका. इतरांना करू देऊ नका. अनेक कॉर्पोरेट ऑफिसमध्ये स्मोक रूम असते. सहकार्‍यांना या स्मोक रूमचा वापर करायला सांगा. 

* कामाचा ताण घेऊ नका. वर्क मॅनेजमेंट हा स्ट्रेस कमी करण्याचा फंडा आहे. कामाचं नीट नियोजन करा. घरी आल्यावर कामाचा विचार करू नका. घरच्यांसोबत निवांत वेळ घालवा. 

* श्वासांकडे लक्ष द्या. दीर्घ श्वसन करा. पाच‍ मिनिटं थांबू दीर्घ श्वास घ्या. दीर्घ श्वसनाची सवय लावून घ्या. 

* कामाच्या नादात पाणी प्यायला विसरू नका. एखादी बाटली स्वत:जवळ ठेवा. तहान लागल्यावर पाणी पिण्याचा कंटाळा करू नका.