दसरा-दिवाळीसाठी पारंपरिक अनारसे बनवायचे आहेत? जाळीदार अनारशांची खास युक्ती जाणून घ्या

पीठ मुरवणे: गूळ-पीठ एकत्र मळून त्याचे गोळे किमान २ ते ३ दिवस झाकून ठेवावेत. पीठ जितके जास्त मुरेल, तितके अनारसे जाळीदार होतात.

तळण्याची पद्धत: अनारसा थापताना वरून खसखस लावावी. तळताना अनारसा कढईत खसखशीची बाजू वर राहील असा टाकावा. अनारसा कधीही उलथायचा नसतो; झाऱ्याने गरम तेल अनारशाच्या वरच्या भागावर उडवत राहावे. यामुळेच त्याला छान जाळी सुटते.

२. साहित्य

जुना तांदूळ: २ वाट्या

बारीक किसलेला गूळ (किंवा पिठीसाखर): १.५ वाटी

खसखस: ३ ते ४ चमचे

तूप किंवा तेल: तळण्यासाठी

३. टप्प्याटप्प्याने कृती

तांदूळ तयार करणे:

तांदूळ स्वच्छ धुवून ३ दिवस पाण्यात भिजत ठेवा. रोज पाणी बदला. चौथ्या दिवशी तांदूळ उपसून सुती कपड्यावर सावलीत १ तास सुकवून घ्या (तांदूळ पूर्ण कोरडे न करता त्यात हलका ओलावा असावा). हे तांदूळ मिक्सरवर बारीक वाटून चाळणीने चाळून घ्या.

पीठ भिजवणे:

चाळलेल्या पिठात १.५ वाटी किसलेला गूळ मिक्स करा आणि मिक्सरमधून एक फेरी फिरवून घ्या, जेणेकरून गूळ आणि पीठ एकजीव होईल. या मिश्रणाचे घट्ट गोळे बनवून हवाबंद डब्यात २ ते ३ दिवस ठेवा.

अनारसे थापणे व तळणे:

२-३ दिवसांनी पिठाचा छोटा गोळा घेऊन मऊ करा. पोळपाटावर किंवा प्लास्टिक पेपरवर थोडी खसखस पसरा. त्यावर पिठाचा गोळा ठेवून बोटांनी हलक्या हाताने थापून घ्या. कढईत मध्यम आचेवर तूप किंवा तेल गरम करा. थापलेला अनारसा खसखशीची बाजू वर करून तेलात सोडा. झाऱ्याने सतत गरम तेल अनारशावर टाकत राहा. अनारसा तांबूस झाल्यावर बाहेर काढा. चला तर आपले अनारसे पाककृती तयार आहे.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.