लंचसाठी अगदी रेस्टॉरंट स्टाईल पराठासोबत मसालेदार फुलकोबीची सुकी भाजी

साहित्य-
फुलकोबी (फ्लॉवर): १ मध्यम आकारचा (मध्यम तुकड्यांमध्ये कापलेला)
कांदा: १ मोठा (बारीक चिरलेला)
टोमॅटो: १ मोठा (बारीक चिरलेला)
आले-लसूण-हिरवी मिरची पेस्ट: १ मोठा चमचा
धणे-जिरे पावडर: १ चमचा
गरम मसाला: अर्धा छोटा चमचा
लाल तिखट (काश्मिरी): १ ते दीड चमचा (रंगासाठी आणि चवीसाठी)
हळद, जिरे, मोहरी, हिंग: फोडणीसाठी
बारीक चिरलेली कोथिंबीर आणि तेल: गरजेनुसार

कृती-
१. कोबी स्वच्छ करणे : कापलेला फ्लॉवर एका पातेल्यात गरम पाणी, थोडे मीठ आणि हळद घालून ५ मिनिटे बाजूला ठेवून द्या. यामुळे कोबीमधील बारीक किडे किंवा कचरा पूर्णपणे निघून जातो. ५ मिनिटांनी पाणी उपसून कोबी कोरडा करून घ्या.

२. फोडणी आणि मसाला तयार करणे: कढईत २ मोठे चमचे तेल गरम करा. त्यात मोहरी, जिरे आणि हिंगाची फोडणी द्या. आता बारीक चिरलेला कांदा घालून तो छान सोनेरी रंगावर परतून घ्या. कांदा परतल्यावर आले-लसूण-मिरची पेस्ट घाला आणि कच्चा वास जाईपर्यंत १ मिनिट परता. आता टोमॅटो घालून तो मऊ होईपर्यंत आणि तेल सुटेपर्यंत चांगला परतून घ्या.

३. भाजी शिजवणे: गॅस बारीक करा. मसाल्यामध्ये हळद, लाल तिखट, धणे-जिरे पावडर आणि चवीनुसार मीठ घाला.आता स्वच्छ केलेला फुलकोबी या मसाल्यात टाका आणि व्यवस्थित मिक्स करा, जेणेकरून मसाला कोबीच्या प्रत्येक तुकड्याला लागेलभाजी सुकी करायची असल्याने पाणी घालू नका. कढईवर झाकण ठेवा आणि त्यावर थोडे पाणी ठेवा (झाकणावरील पाण्यामुळे वाफेवर भाजी छान शिजते). मंद आचेवर ७ ते १० मिनिटे भाजी वाफेवर शिजवून घ्या. मध्ये एकादा चमचा हलवून घ्या. कोबी मऊ शिजल्यावर वरून गरम मसाला आणि भरपूर बारीक चिरलेली कोथिंबीर भुरभुरा. गॅस बंद करून २ मिनिटे झाकण ठेवून द्या, जेणेकरून गरम मसाल्याचा सुगंध भाजीत छान मुरेल. चालला तर गरमागरम, चमचमीत फुलकोबीची भाजी लंचसाठी तयार आहे!
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik