Healthy Breakfasts for Summer उन्हाळ्यात सकाळी 'हेल्दी' आणि 'थंडगार' नाश्ता रेसिपी

२. ओट्स फ्रूट स्मूदी  

ज्यांना सकाळी घाई असते, त्यांच्यासाठी हा 'झटपट' पर्याय आहे.

कसे बनवाल: मिक्सरमध्ये अर्धी वाटी ओट्स, एक केळ (किंवा आंब्याचे काप), थोडे दूध किंवा दही आणि मध घालून फिरवून घ्या. वरून बदाम किंवा अक्रोडचे तुकडे टाकून प्या. हे प्यायल्याने बराच वेळ भूक लागत नाही.

३. मूग डाळ धिरडे 

प्रथिने भरपूर असलेला हा नाश्ता आरोग्यासाठी उत्तम आहे.

कसे बनवाल: रात्रभर भिजवलेली मूग डाळ, आले आणि मिरची एकत्र वाटून घ्या. या पिठात चिरलेला कांदा, कोथिंबीर आणि थोडे मीठ घालून तव्यावर डोशासारखी धिरडी बनवा. हे पुदिन्याच्या चटणीसोबत खाल्ल्यास चव दुप्पट होते.

४. नाचणीची आंबिल 

नाचणी ही निसर्गाने दिलेला सर्वात मोठा थंडावा आहे. उन्हाळ्यात शरीराचे तापमान नियंत्रित ठेवण्यासाठी हे सर्वोत्तम पेय/नाश्ता आहे.

कसे बनवाल: नाचणीचे पीठ पाण्यात शिजवून त्याची पेज तयार करा. ती थंड झाल्यावर त्यात ताक, चवीनुसार मीठ, बारीक चिरलेला कांदा आणि कोथिंबीर घालून प्या.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik