राजकारण सोडून लेखक व्हा : अजितदादा

फडणवीस यांनी लिहिलेले पुस्तक अत्यंत चांगले आहे. त्यांनी अत्यंत सोप्या भाषेत अर्थसंकल्प समजावून सांगण्याचे काम केले आहे. हे पुस्तक वाचून ते उत्तम साहित्यिक होऊ शकतात याची खात्री पटली असे सांगतानाच भाजप नेते राम नाईक तुम्हीही या कार्यक्रमाला हजर आहात. तुम्ही जरा वर दिल्लीला सांगितले की हे साहित्यिक आहेत, यांना बरेच ज्ञान आहे आणि फडणवीसांच्या ज्ञानाचा आपण दिल्लीत वापर करून घेऊ. तर महाराष्ट्राच्या दोन्ही सभागृहाची त्याला एकमताने मान्यता राहील. असे झाल्यास  सुधीर मुनगंटीवार यांनाच त्याचा सर्वाधिक आनंद होईल. गळ्याची आण खोटे बोलत नाही, असा चिमटा अजित पवार यांनी काढताच सभागृहात एकच खसखस पिकली.