हातोड्याने खून केल्याप्रकरणी दोन मुकबधिरांना अटक

अधिकाऱ्याने सांगितले की, दोन्ही आरोपी मुके-बहिरे आहेत, तर मृतकही मुकबधीर असून ते एकमेकांना ओळखत होते. या प्रकरणाचा चार तासांत खुलासा झाल्याचे त्यांनी सांगितले.

रेल्वे प्रोटेक्शन फोर्स (RPF) कॉन्स्टेबलने प्लॅटफॉर्म क्रमांक 11 वर एका मोठ्या ट्रॉली बॅगसह एक व्यक्ती पाहिल्यावर ही घटना उघडकीस आली, असे अधिकाऱ्याने सांगितले. संशयाच्या आधारे त्याला ताब्यात घेऊन बॅगेची झडती घेतली असता मृतदेह सापडला. हा मृतदेह अर्शद अली सादिक अली शेख (30, रा. कलिना, सांताक्रूझ) याचा असल्याचे तपासात समोर आले आहे.

दादर रेल्वे पोलीस अधिकारी म्हणाले, त्या व्यक्तीला हातोड्याने मारहाण करण्यात आली. पायधोनी येथे खून झाल्यामुळे प्रकरण तिकडे वर्ग करण्यात आले.

दादर स्थानकात अटक केलेल्या व्यक्तीचे नाव जय प्रवीण चावडा आहे, तर सहआरोपी शिवजित सुरेंद्र सिंग याला शेजारच्या ठाण्यातील उल्हासनगर येथून पकडण्यात आल्याचे त्यांनी सांगितले.