आईच्या हातातून दीड महिन्याचे बाळ पडले, बाळाचा मृत्यू

या घटनेची पोलिसांना माहिती देताना माहेश्वरीने सांगितले कि, मुथुराजला अंगावर घेऊन कपडे वाळत घालत असताना त्याने पटकन लाथ मारली. त्यामुळे नियंत्रण सुटले आणि मुथुराज खाली पडला. दुसऱ्या मजल्यावरुन खाली पडल्याने मुथुराजच्या डोक्याला गंभीर मार लागला होता. ही दुर्घटना घडली त्यावेळी माहेश्वरीचा नवरा कन्नन घरी नव्हता. तो कामासाठी बाहेर गेला होता. हे दोघे पती-पत्नी भाडयाच्या घरात राहतात. मुथुराज खाली पडल्यानंतर माहेश्वरीने हंबरडा फोडला तो ऐकून शेजारी मदतीसाठी धावले. डॉक्टरांच्या पथकाने मुथुराजचा रक्तस्त्राव थांबवून त्याला वाचवण्यासाठी लगेचच शस्त्रक्रिया केली. पण मुलाची प्रकृती अधिक खालवली आणि त्याचा मृत्यू झाला.