गुजरातमधील अरावली येथे रुग्णवाहिकेला आग; नवजात बाळासह चार जणांचा मृत्यू

गुजरातमधील मोडासा येथे रुग्णवाहिकेला आग लागल्याने एका नवजात बाळासह चार जणांचा मृत्यू झाला तर तीन जण भाजले. नवजात बाळाला उपचारासाठी अहमदाबादला नेण्यात येत होते.

मिळालेल्या माहितीनुसार गुजरातमधील अरावली जिल्ह्यात एक दुःखद घटना घडली आहे. मोडासा शहराजवळ रुग्णवाहिकेला आग लागल्याने एक नवजात बाळ, एक डॉक्टर आणि इतर दोघे जण भाजले, असे पोलिसांनी सांगितले. पोलिस निरीक्षक डीबी वाला यांनी सांगितले की, मोडासा-धनसुरा रस्त्यावर मध्यरात्री १ वाजताच्या सुमारास रुग्णवाहिकेला आग लागली. रुग्णवाहिका आजारी नवजात बाळाला मोडासा येथील एका खाजगी रुग्णालयातून पुढील उपचारांसाठी अहमदाबाद येथील एका खाजगी रुग्णालयात घेऊन जात होती. अधिकाऱ्याने सांगितले की, नवजात बाळ, त्याचे वडील  अहमदाबाद येथील डॉक्टर आणि अरावली येथील परिचारिका यांचा मृत्यू झाला. इतर तिघे बाळाचे दोन नातेवाईक आणि रुग्णवाहिका चालक भाजले गेले आणि त्यांना जवळच्या रुग्णालयात दाखल करण्यात आले.

Edited By- Dhanashri Naik