पोलिसांनी आंतरराष्ट्रीय सायबर गुन्हेगारी टोळीचा पर्दाफाश केला, १० जणांना अटक

गुजरात पोलिसांनी ८०४ कोटी रुपयांची फसवणूक करणाऱ्या आंतरराष्ट्रीय सायबर गुन्हेगारी टोळीचा पर्दाफाश केला. सुरतमध्ये दहा आरोपींना अटक करण्यात आली. या टोळीने देशभरातील बँक खाती आणि सिमकार्डचा गैरवापर करून फसवणूक केली. पोलिसांनी पीडितांना ५.५१ कोटी रुपये परत केले. अशी माहिती समोर आली आहे. 

मिळालेल्या माहितीनुसार गुजरात पोलिसांनी भारतीय नागरिकांना ८०४ कोटी रुपयांची फसवणूक करणाऱ्या आंतरराष्ट्रीय सायबर गुन्हेगारी टोळीचा पर्दाफाश केला. गृह राज्यमंत्री हर्ष संघवी यांनी शनिवारी ही घोषणा केली. सुरतमध्ये दहा आरोपींना अटक करण्यात आली. ही टोळी दुबई, व्हिएतनाम आणि कंबोडिया येथून कार्यरत होती आणि संपूर्ण भारतातील नागरिकांना लक्ष्य करत होती.

अटक आणि जप्ती

सुरतमध्ये अटक केलेल्या आरोपींकडून ६५ मोबाईल फोन, ४४७ डेबिट कार्ड, ५२९ बँक अकाउंट किट, ६८६ सिम कार्ड आणि १६ पॉइंट-ऑफ-सेल (पीओएस) मशीन जप्त करण्यात आल्या. हर्ष संघवी यांनी सायबर फसवणुकीच्या बळींना ५.५१ कोटी रुपये परत केले.

Edited By- Dhanashri Naik