बीबीसी हिंदीने अॅनालिटिक्स कंपनी ‘विडुली’च्या संस्थापक आणि सीईओ सुब्रत कौर यांच्याशी बातचीत करुन याबाबतचं वृत्त दिलं आहे. यावर्षी जानेवारीमध्ये एक रिपोर्ट समोर आला होता. अमृतसर, लखनौ, अलपुझा आणि त्रिचूर यांसारख्या शहरांमध्ये चाईल्ड पोर्नोग्राफी संबंधित फाईल्स शेअर करण्याचं प्रमाण जास्त आहे, असं त्या रिपोर्टमध्ये म्हटलं होतं.
निमशहरांमध्ये पोर्नोग्राफी सर्च करण्याचं आणि पाहण्याचं प्रमाण जास्त आहे. जानेवारी 2016 मधील एका रिपोर्टनुसार, पॉर्न पाहणाऱ्यांच्या यादीत अमेरिका आणि इंग्लंडनंतर भारत तिसऱ्या स्थानावर आहे. भारताने कॅनडालाही मागे टाकलं आहे.