आजपासून उघडणार दुकानं, काही अटींसह परवानगी

गृहमंत्रालयाने शुक्रवारी रात्री काढलेल्या पत्रकानुसार काही अटींवर देशातील सर्व दुकानं उघडण्याची परवानगी देण्यात आली आहे. आजपासून हा आदेश लागू झाला असून महानगरपालिका आणि नगरपालिका हद्दीतील निवासी भाग आणि परिसरातील दुकानं उघडी ठेवण्याची परवानगी देण्यात आली आहे. याव्यतिरिक्त मद्य विक्रीची दुकानं तसंच मॉल्स सुरू करण्याला अद्याप परवानगी देण्यात आली नाही. मद्यविक्रीची दुकानं ही एक्ससाइज कायद्यांतर्गत येतात. त्यामुळे ही दुकानं बंदच राहणार आहेत.

दरम्यान हॉटस्पॉट असेलेल्या आणि कॅन्टोनमेंटच्या ठिकाणी मात्र दुकानं उघडी ठेवता येणार नाहीत. सामान्य दुकानांना 50 टक्के कामगारांसह काम करण्याची मुभा देण्यात आली आहे. तसंच काम करणाऱ्यांना मास्क घालणं तसंच सोशल डिस्टन्सिंगचं पालन करणं बंधनकारक करण्यात आलं आहे.