पुण्यात वाळू सप्लाय करणाऱ्यावर गोळीबार

मयुर विजय हांडे (वय २९, रा़ हांडेवाडी रोड) याच्यावर गोळीबार झाला आहे. ही घटना वानवडीतील इनामदार ग्राऊंडच्या शेजारील मोकळ्या जागेत सोमवारी (दि. 12) दुपारी बाराच्या सुमारास घडली. हांडे यांच्यावर खासगी रुग्णालयात उपचार करण्यात येत आहेत.

पोलिसांनी दिलेल्या माहितीनुसार, मयुर हांडे यांचा वाळू पुरवठा करण्याचा व्यवसाय आहे. सोमवारी दुपारी ते वाळू टाकण्यासाठी ट्रॅक्टर घेऊन इनामदार ग्राऊंडच्या शेजारी मोकळ्या मैदानात आले होते. यावेळी एकाने त्यांच्यावर गोळीबार केला. गोळी त्यांच्या गालाला चाटून गेली असल्याची माहिती पोलिसांनी दिली.