आदित्य ठाकरे यांच्याकडून निष्ठा यात्रेची घोषणा

निष्ठा यात्रेत युवासेना प्रमुख आदित्य ठाकरे मुंबईतल्या २३६ शाखांमध्ये जाऊन गटप्रमुख, शाखाप्रमुख, पदाधिकारी आणि कार्यकर्त्यांच्या भेटीगाठी घेणार आहेत. सध्याच्या राजकीय घडामोडींच्या पार्श्वभूमीवर कडवट शिवसैनिकांनी शिवसेनेबद्दल दाखवलेली आत्मीयतेबद्दल संवाद करत निष्ठा यात्रा सुरु होणार आहे.

याचवेळी शिवसेनेशी गद्दारी करणाऱ्या राज्यातील ५० बंडखोर आमदारांच्या मतदारसंघात युवासेना प्रमुख आमदार आदित्य ठाकरे “निष्ठा यात्रे” दरम्यान दौरा करणार आहेत. या दौऱ्यात आदित्य ठाकरे पदाधिकाऱ्यांच्या भेटी, मेळावे घेणार आहेत. या मतदार संघांमधील शिवसेनेशी एकनिष्ठ पदाधिकारी आणि कार्यकर्त्यांना बळ देऊन शक्ती प्रदर्शन केलं जाणार आहे.