मनसेच्या दणक्यानंतर अ‍ॅमेझॉनकडून मराठी भाषेत सेवा सुरू

अ‍ॅमेझॉन सध्या महाराष्ट्रातील ८५ हजारांपेक्षा अधिक विक्रेत्यांची नोंदणी आहे. अशातच मराठी भाषेत नोंदणी करुन आपलं खात सुरू करण्याच्या मिळालेल्या सुविधेमुळे महाराष्ट्रातील अनेक शहरं म्हणजेच कोल्हापूर, सातारा, नाशिक, औरंगाबाद, सोलापूर, नागपूर, जळगाव या ठिकाणच्या लाखो विक्रेत्यांचा या सेवेचा लाभ घेता येईल. या नव्या सुविधेमुळे विक्रेत्यांना नोंदणी करण्यापासून, ऑर्डर मॅनेज करणं, इन्वेन्ट्री मॅनेज करणं अशी अनेक कामं मराठी भाषेतच करता येतील. वेबसाईटसोबतच मोबाईलवरील अॅपमध्येही या सुविधेचा लाभ घेता येणार आहे. याव्यतिरिक्त अ‍ॅमेझॉननं मराठी भाषेत ट्युटोरियलदेखील उपलब्ध करून दिले आहेत.