'तिला' व्हायचं पुरुष

बीड जिल्ह्यातील एका ठाण्यात २७ वर्षीय महिला कार्यरत आहे. २००९ मध्ये झालेल्या भरतीमध्ये तिने प्रवेश प्रक्रिया पूर्ण करुन ती पोलिस दलात दाखल झाली. मागील काही वर्षाच्या कालावधीत तिला तिच्या शरिरामध्ये काही बदल जाणवू लागल्याचे सांगण्यात आले. सदरील महिलने डॉक्टरांशी संपर्क साधला. 

दरम्यान, एक महिन्यापूर्वी सदरील महिला कॉन्स्टेबलने पोलिस अधीक्षक जी.श्रीधर यांच्याकडे पुरुष होण्यासाठीची परवानी मागितली. अधीक्षकांनी याबाबत संपूर्ण माहिती घेऊन सदरील अर्ज पोलिस महासंचालकांकडे पाठविला आहे. यापूर्वी असे प्रकरण कधीही समोर आले नाही. एखादी महिला पोलिस कर्मचारी शस्त्रक्रिया करुन पुरुष झाली तर त्याला सेवेत घ्यावे की नाही याबाब काही शासन निर्णय आहे का याची चाचपणी सध्या सुरु आहे.